HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




A sad Hindi Love Story about a boy and girl -Why it happened with me?


(It is a sad Hindi Love Story about a boy and girl. )

Rajesh – main aaj tak nahin samajh paya ki aisa mere sath kyun hua? bahut sar patakne par bhi is sawal ka jawab nahin milta. aaj apni kahani (love story) main aap sabse share kar raha hoon. ho sakta hai isse hi man ko shanto mil jaye.

main rampur se muradabad ja raha tha. meri pulsar bike hava se batein kar rahi thi. speed kam se kam 100 kilometer ki rahi hogi. mere engineering 1st year ke exams khatam ho gaye theaur main apne parents ke pas muradabad ja raha tha jo muradabad mein pital ke saman ke bade business man the. main man hi man purane doston se milne ki khushi liye chala ja raha tha.

achanak samne se ek truck bahut teji se ek car ko overtake karta hua mere samne aa gaya. sab itni teji se hua ki meri samajh mein kuchh nahi aaya aur meri bike seedhe us truck se takra gayee. iske bad kya hua, mujhe kuchh yad nahin.

(A sad Hindi Love Story about a boy and girl  -Why it happened with me?)

Anita – main apne papa ke sath unki car mein muradabad se rampur ja rahi thi jahan meri mausi rahti thi aur mere papa mujhe apni ke pas chhuttiyon mein rahne ke liye chhodne ja rahe the. maine abhi BSc 1st year ke paper diye the aur main ghar mein bore ho rahi thi to maine papa se mujhe rampur apni mausi ke pas chhod kar aane ko kaha. ham vahin ja rahe the. achanak ek truck badi teji se hamein overtake kar ke aage gaya aur seedha samne se aati hui ek bike se ja takraya. bahut jor ki aawaj hui aur vo ladka bike se uchhal kar sadak pe gira. truck vala to apna truck aur bhi teji se bhagata chala gaya. mere papa ne teji se break lagaye aur car se utar kar us ladke ke pas gaye. peechhe peechhe main bhi gayee aur dekha ki ek handsome sa ladka gira pada hai. uske sar pe chot lagi thi aur khoon bah raha tha. uski tee-shirt pe likha tha – I DON’T CARE. lekin us vaqt to us ladke ko khud care ki bahut jaroorat thi.


mere papa ko usi din laut kar muradabad bhi aana tha lekin us ladke ki haalat dekh kar vo use sadak par chhodne ko taiyyar nahi hue. mujhse bole – isko turant hospital le jana hoga. tum meri madad karo isko uthane mein. hamne use utha kar car ki pichhli seat par rakha aur papa ne car bahut teji se rampur ki aur dauda di.

(A sad Hindi Love Story about a boy and girl  -Why it happened with me?)

rampur pahuch kar hamne seedha vardan Hospital ke andar emergency ke samne car roki. car rukte hi medical staff aa gaya aur ek strecher par us ladke ko le kar ICU mein le gaye. mere papa doctors ke pas jaakar kuchh batein karne lage aur kuchh jaroori form vagaira bharne lage. Doctors ne kaha ki iska operation turant karna padega. isi beech mere mausaji aur mausi ji bhi aa gaye junhein hamne phone kar diya tha.mausa ji police mein the is liye koi jhanjhat nahin hua aur doctors ne koi pareshanni nahin khadi ki. 10 minute ke andar us ladke ko lekar operation theatre mein chale gaye aur operation shuru ho gaya.

mere man mein hajaron sawal aane lage. ye ladka kaun hai, kahan se aa raha tha, kahan ja raha tha. kahan rahta hai? vagaira, vagaira. fir achanak mere man mein ek ajeeb sa sawal aaya. ye ladka to meri hi umar ka hai, jaroor kisi college mein padta hoga. maine ye bat papa se kahi to papa n turant doctor se ja kar kuchh kaha. fir mausa ji bhi vahan aa gaye jo kuchh der ke liye andar gaye the. unhone bataya ki ladke ka nam rajesh hai aur ye national Engineering College mein 1st year ka student hai. iske papa amit agrawal muradabad mein businessman hain. unhein maine khabar kar di hai. ye kah kar unhone mere hath mein us ka college ka I-card thama diya aur khud ja kar doctor se baten karne lage.

maine I-card kholkar dekha to bike par style mein baith kar khinchwai hui photo mein rajesh bahut hi handsome aur attractive lag raha tha. fir meri najar gayee to side mein priyanka chopra ki bhi photo lagi thi. achanak mujhe hansi aa gayee. hansi isliye aayee ki meri shkal bhi priyanka chopra se milti thi aur meri saheliya aksar meri khinchai karti rahti thi ki tum to priyanka chopra ho. maine mand mand muskurate hue uska I-card apne purse mein rakh liya.

 fir kya hua – A sad Hindi Love Story about a boy and girl padhen agle bhag mein.

(A sad Hindi Love Story about a boy and girl  -Why it happened with me?) read more


(Visited 10,232 times, 1 visits today)
Updated: September 21, 2016 — 10:19 pm
HINDI LOVE STORY © 2014 Frontier Theme