HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




A sad Hindi Love Story about a boy and girl -Why it happened with me? part 2


(A sad Hindi Love Story about a boy and girl -Why it happened with me?)

khade khade main thak gayee to kinare ja kar bench pe baith gayee. mujhe kab neend aa gayee ye pata hi nahin chala. achanak jhatke se neend khuli to dekha papa mujhe hila kar utha rahe the – beta, utho. us ladke ka operation ho gaya hai. doctor kah rahe hain use hosh mei aane mein vaqt lagega lekin ab vo khatre se bahar hai. isliye main ab vapas ja raha hoon. tumhare mausa ji tumhen vapas le jayenge.

main uthkar gayee aur maine jo doctor duty par tha usse poochha ki us ladke ki tabeeyat kaisi hai? doctor ne kaha ki chot to bahut lagi thi lekin jan bach jayegi. usne kaha ki aap log time se use hospital le aaye varna us ki jan bhi ja sakti thi agar khoon aur bhee bah jata to.

maine poochha ki kya main usko dekh sakti hoon to usne kaha abhi usko ICU se kamre mein shift karenge, tab usko mil paoge. kal aana. tabhi mausa ji aa gaye aur bole ki chalo beta, ghar chalo, der ho gayee hai. tumhari mausi tumhara intezar kar rahi hai. ghar pahunchate hi meri mauseri bahan seema ne mujhe gale laga liya. mausi boli – jaldi se naha lo, khana taiyar hai.

(A sad Hindi Love Story about a boy and girl -Why it happened with me?)

main jab naha-dho kar bahar aayee to dekha ki khana dining table pe laga hua tha. maine din mein kuchh khaya piya to tha nahin isliye bhookh lagi hui thi. khana kha kar main apni cousin seema ke kamre mein sone chali gayee. ham donon ek hi umar ki hain isliye hamari bahut patati hai. ham bahut der tak idhar-udhar ki gappen marte rahe aur pata hi nahi chala ki kab hamein neend aa gayee.

subah neend bahut der se khuli. mausi ji jagane aayee aaur boli beta, utho, 10 baj gaye hain. utho aur fresh ho kar nashta kar lo. jab main fresh ho kar bahar aayee to dekha ki mausa ji bahar jane ke liye taiyar baithe the. mujhe achanak us ladke ka dhyaan aa gaya jo hospital mein bharti tha. maine kaha, mausa ji, us ladke ki koi khabar aayee hai kya to vo bole – han, hospital se phone aaya tha ki ab vo hosh mein aa gaya hai aur uske mammi-papa bhi aa gaye hain. vo kuchh bol nahin pa raha hai, shayad dard ke karan. abhi main duty jane se pahle hospital ho kar jaaoonga kyunki uske mammi-papa mujse milna chahte hain.


(A sad Hindi Love Story about a boy and girl -Why it happened with me?)

achanak bina kuchh soche-samjhe mere munh se nikal pada – milna to mujhe bhi hai rajesh se. kya main aapke sath chaloon? mausa ji bole – han han kyun nahi? bad mein main tumhe ghar drop karwa dunga. tabhi seemaboli, main bhi chalti hoon. mausi ji boli – ye achchha rahega. dono sth chali jana.

fir ham dono jaldi se taiyar ho kar mausa ji ki jeep mein baith gaye. 15 minute mein ham hospital pahunch gaye. pata chala ki rajesh ko uske mammi-papa ne private room mein shift karwa diya tha. jaise hi ham uske room mein gaye to dekha ki co so raha tha. sota hua vah bahut masoom aur bahut thaka hua lag raha tha. maine raste se fulon ka ek buke le liya tha jo maine uske sar ke pas hi table par rakh diya. uski mammi ne to mera nam puchhate hi seene se laga liaya aur ro padi. beti beti kah kar unke aansoon rukane ka nam hi nahi le rahe the.uske papa bhi mere sar pe hath fer kar mujhe asheerwad dene lage. shayad apne bete ki jan bachane ka shukriya ada karna chah rahe the.par kisi ke munh se aur koi shabd nahin nikla. fir dheere dheere kuchh batein shuru hui aur pata chala ki vo apne maa-bap ka akela ladka tha.

(A sad Hindi Love Story about a boy and girl -Why it happened with me?)

achanak usne ek karwat lee aur sab ka dhyaan usi aur chala gaya. uski maan turant pani ka gilas lekar uske pas gayee lekin usne sar hila kar pani peene se mana kar diya. fir uski najar meri taraf ghoomi aur vah bahut der tak mera chehra dekhata raha. main samajh nahin paayee ki un nigahon mein kya tha/ kya vah mujhe pahchanne ki koshish kar raha tha? par kaise? usne to kabhi mujhe hosh mein dekha hi nahin tha. fir usne apni aankhen band kar li aur mujhe laga ki vo so gaya hai. lekin tabhi us ki aankh khuli aur usne badi gahri najar se meri aur dekha kaise kuchh poochh raha ho. fir usne dheere se apni aankhen band ki aur so gaya. main uski najron ka ye swal nahin samajh payee. kya poochhana chah rahi thee vo nigahen? mera nam? ya aur kuchh?

fir kya hua – A sad Hindi Love Story about a boy and girl  – padhen agle bhag mein.

read from the beginning

(A sad Hindi Love Story about a boy and girl -Why it happened with me?) read more


(Visited 2,286 times, 1 visits today)
Updated: September 21, 2016 — 10:19 pm

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme