HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




A sad Hindi Love Story about a boy and girl -Why it happened with me? part 4


SAD LOVE STORY why it happened with meAgle din meri neend bahut jaldee khul gayee. uthee to dekhaa ki seemaa abhee bhee so rahee hai. main baahar aayee to dekhaa mausa ji subah subah taiyar ho kar ja rahe the. maine poochha – mausa ji, itni subah subah kahan ja rahen hain. mausa ji bole – hospital se phone aaya hai ki Rajesh ke police statement vagaira lene ke liye police station se officer aaye hain to uske parents ne bulaya hai. mere munh se achaanak nikal pada – rajesh se milne to main bhee jaoongi. mausa jee bole thodi der mein main jeep vaapas bhej doonga tum aa jana abhi tumhen taiyaar hone mein time lagega, mujhe der ho jayegi.

maine fatafat jakar seema ko uthaya. rat ko rajesh ko lekar hui sari shararat mere dimaag se ekdam bhool gayee thee. seema ke uthate hee main boli – chal uth, jaldee taiyaar ho, rajesh se milne jana nahin hai kya? seema uthee aur bahut der tak mere chehre ki aur dekhatee rahee, boli – to tu ja na, main kya karoongi. dil to tera aa raha hai na us par. bas ye kahte hee mujhe rat kee bat yaad aa gayee. maine takiya uthaya aur uske sir pe de mara. boli – shaitan, teri jubaan bahut chalne lagee hai.

seema boli- meri jubaan ki chhod, apne dil ki fikr kar. fir vo meri aur shararat se dekhane lagee. achanak ham donon ke chehre par ek sath hansee aa gayee aur ham hansne lage aur fir seema mere gale se lag gayee. boli – anita, rajesh vaise hai to vakai mein handsome. aur main fir sharma gayee.

(A sad Hindi Love Story about a boy and girl -Why it happened with me? part 1)

khair, ham bahar aa kar fresh vagaira ho kar brekfast karne lage. tabhee bahar horn baja – lagta hai jeep aa gayee. papane bhijwayee hogi. ham bahar aaye aur jeep mein baith gaye. driver ne jeep hospital kee aur duada dee. 10 minute mein hee ham hospital pahunch gaye. utarte hee main tej kadmon se seedha rajesh ke kamre kee aur chal padee. seema ruk ruk hee kartee rah gayee aur main rajesh ke kamre mein ghus gayee.

andar pahunch kar dekha to rajesh takiye ke sahare baitha hua tha. maine uske pas jaakar poochha – kaise ho? rajesh ke chehre pe halkee see muskurahat aayee aur vo badee dheemee aawaaj mein bola – I am OK. lekin saf dikha raha tha ki itnaa bilne mein bhee usko bahut takleef ho rahee thee. main uske pas hee baith gayee. seema bhee pas mein hee kursee par baith gayee.

tabhee uske papa andar aa gaye. shayad police valon ko chhodne gaye the. andar aakar jaise hee mujhe dekha to maine kaha uncle – namaste. unhone aa kar bade sneh se mere sar par hath rakh kaha – namste beta. tum kaisi ho. maine kaha – theek hoon uncle. Rajesh ki tabeeyat kaisi hai. bole – beta, vaise to khatre kee koi bata nahin hai par doctor ne kaha hai 10-12 din se pahle chhutti nahin milegi. kafi chot aayee hai. androoni chtein bhee hain.

(A sad Hindi Love Story about a boy and girl -Why it happened with me? part 1)

ye sunkar jahan mujhe dukh hona chahiye tha vahin andar se jaise pata nahin kaun see khushi mahsoos hui. jaise ki agle das-barah dinon tak rajeesh se mil pane ka mauka koi bahut khushi ki bat ho.


seema uthee aur bahar ki aur chalee gayee. tabhee uncle ke mobile par bhee koi phone aaya to vo bhee bahar kee aur chale gaye. unke bahar jate hee rajesh ne mera hath apne hath mein le kar kaha – thank you. mere to jaise sare shareer mein bijli daud gayee ho, aisa laga. uska haath bahut halke se mere hath par tha. maine doosra hath se uska hath tham kar kaha – thanks kis bat ke liya? rajesh bola – tum nahin hoti to. maine achanak apne hath ko us ke munh par rakh kar boli – aisa nahin kahte.

fir bahut der tak ham donon aise hi hathon mein hath rakhe baithe rahe. achanak mujhe kisi ke pairon kee aahat sunai dee to mera dhyaan darwaje kee aur gaya. dekhaa to seema khadi hui muskura rahee thee. maine jhat se pana hath vapas kheench liya. main rajesh se boli – ab tum aaraam karo, main chaltee hoon.

rajesh bola – fir aaogi na? maine kaha, jaroor. uske chehre pe badi sweet see muskan fail gayee. maine fir bye bye kiya aur bahar aa gayee. bahar aakar maine seema ke kan pakde aur boli – badtameej, bahut khee khee kar hans rahee thee, kya bat hai? seema boli – love story sahi ja rahi hai anita, ekdam sahi.

fir ham donon hansne lage. hanste hanste ham jeep ke pas aa gaye aur driver ko bola, chalo, ghar chalo.

sham ko ham bajar ghoomne gaye. hamne kuchh kapde khareede aur aise hee time pas karne ke liye ek se doosri dukaan mein jate rahe. meri najar aise hee ek kitab ki dukaan par padi to mere dimag mein ek khayal aaya. main andar gayee aur ek Get Well Soon card liya jispe ek teddy bear bana hua tha jiski belly pe likha tha – I love you.

use lekar maine apne bag mein chhupa liya. aur bahar aa gayee. seema boli – kahan gayee thee achanak? main tujhe dhoondhne hi vali thee. maine kaha aise hi ek pen khareedne gayee thee par koi achchha pen nahin mila. fir ham ghar vaapas aa gaye.

read from the beginning

(A sad Hindi Love Story about a boy and girl -Why it happened with me?) read more

 


(Visited 1,366 times, 1 visits today)
Updated: December 1, 2014 — 12:05 am

1 Comment

Add a Comment
  1. so nice story i luv it too much

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme