HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




If only he’d come back a third time – kash vo teesri bar bhi aata!


 

If only he’d come back a third time – kash vo teesri bar bhi aata!

 

boating in nainital love story

Friends, mera nam Anjali hai. Main aapko apni real love story share kar rahi hun. Wait, ye dar asal meri story bhar hai kyunki love story ye shayad ban nahi payi. Was it love? ye main tab nahi samajh payi lekin aaj main janti hun ki vo kya ehsas tha.

Bat 2006 ki hai. Main apne parents ke sath nainital ghumne gayi. Haldwani tak train se jane ke bad vahan se nainital tak ke liye taxi mein jana hota hai. Ham jis taxi mein baithe usmein ek ladka pahle se baitha hua tha. Main to use dekh ke bas dekhati hi rah gayi. Ek dam greek Gods jaisa tha. Gora, lamba aur ekahre badan ka vo ladka ek dam Hritik Roshan jaisa dikh raha tha.

Raste mein vo aksar meri aur hi dekh raha tha. Vo age baitha tha aur ham peeche baithe the isliye jab bhi vo mud kar meri aur dekhata mujhe pata chal jata. Aur maine to kale goggles lagaye hue the isliye vo nahi dekh paya ki meri to najar us par se hat hi nahi rahi thi.

Khair, raste mein thodi bahut baten bhi shuru hui. Pata chala ki vo Bengali hai. Use Hindi nahi aati thi aur mujhe Bengali nahi aati thi. English bas kam chalu aati thi to baten jyada nahi ho payi.

Coincidence ye hua ki vo hamare hi hotel mein thahra tha. Ye to tab pata chala jab ham agle din subah ghumne ke liye nikle. Dekha ki vo ladka bhi reception pe key jama kar raha tha. Fir thodi bat – ya kaho ki bat karne ki koshish – hui. Fir ham log boating ke liye gaye. Padle boat li to mere mammi-papa ek boat pe aur ham dono ek boat pe baith gaye. Hamne ek ghante tak boating ki aur lake mein khub maje kiye.

Ab tak hamare beech ek understanding ho gait hi aur ham ishare se bhi samajhne lage the ki dusra kya kah raha hai.

Fir to 5 dino ki chhuttiyon mein vo hamare sath hi ghumta raha. Snow view, China peak, Bhowali, bhimtal, mall Road, har jagah ham ikatthe hi ghumte. Ek ajeeb si bat ye hui ki jaise jaise hamari dosti  badhti gai, hamen baten bhi badhti gai lekin jyadatar bate nab bhi isharon mein hi hoti thi.

Panchve din vo vapas Kolkata chala gaya. Hamen agle din lautna tha, so main use tallital stand mein taxi tak chhodne bhi gayi. Bas stand pe ham kuchh der take k dusre ka hath pakad ke khade rahe. Aur koi jyada bat nahi hui. Sare trip mein koi bhi aisi bat nahi hui jise romantic kaha ja sake.

Agle sal fir ham log nainital hi ghumne gaye. Normally aisa hota nahi hai par jane kyun hamara program last minute pe shimla se cancel ho ke nainital ka dubara ban gaya. Last trip itna achcha bita tha ki maine turant nainital ke liye han kardi.


Ham Nainital pahunch kar usi hotel mein ruke. Agle din mall road ghmne ke liye nikle to kya dekha ki samne se vo ladka chala aa raha tha. Sath mein ek chhoti ladki aur uske parents bhi the. Pata chala ki vo log puri family ke sath aaye the isbar aur unhen vo ladka hi jid karke laya tha. Uske parents ko to hindi nahi aati thi par Vo chhoti ladki delhi mein Shimla mein boarding mein padhti thi aur use hindi achchhi tarah se aati thi. Usne bataya ki vo ladka sal bhar sirf mere bare mein hi baten karta rahta tha aur mujhe yahan dekh kar un logon ne socha ki ham logon ne planning ki hai fir se milne ki.

Maine kaha ki aisa to kuchh bhi nahi hai lekin usne meri bahut khinchayi ki.

Khair, is bar group aur bada ho gaya tha aur ghumne mein bahut maja aaya. Sham ko vo aksar apni sister ke sath mere hotel mein aa jata aur ham bahut vaqt sath bitatae. Kabhi kabhi to uski sister hamari bat ek dusre ko samjha deti but jyadatar ham pahle hi tarah tuti-futi hindi ya English mein bat karte ya fir isharo mein hi kam chala lete.

Is bar mujhe aisa laga ki mere dil mein uske liye kuchh khas jagah ban rahi hai aur uski aankhon mein bhi mujhe aisa hi lagta. Par na to usne aisa kuchh kaha aur na hi maine kuchh kaha jisse ek dusre ko hamari feelings ka pata chal pata. Han, hamne itna vaqt ek sath gujara ki koi bhi hame ek couple hi samajhta agar vo hame dekhata. Romance ken am par bas ham kabhi kabhi ek dusre ka hath pakad jaroor baithate the.

Last din ham dono ne sabse alag boating karne ka decide kiya. Sare din ham boating hi karte rahe. Bas kuchh khan eke liye bahar aate aur fir lake mein boating karne chale jate. Boating kya bas ham lake ke beech mein pahunch ke boat ko aise hi float karne ke liye chhod dete aur bas ek dusre ki aur dekhte rahte jaise kuchh kahna chah rahe ho. Ham samajh to gaye ki kya hai hamare man mein lekin kah ham fir bhi nahi paye.

Dekhte dekhte 4 din beet gaye. Ham log vapas delhi aa gaye aur vo log Kolkata chale gaye. main delhi aa kar yahi sochti rahi ki ”was it love?” ”was it love?” aur jaise jaise vaqt beetta gaya mujhe yakeen hota gaya ki Yes, “It was Love“.

Agle sal bhi jid karke main nainital hi ghumne gayi. Ham 15 dino tak vahan rahe lekin is bar vo nahin aaya. Lautate samay main bahut royi. Main soch kar gait hi is bar use I love you kah ke rahungi. Lekin kise kahti. Vahan to is bar vo aaya hi nahi tha jiske liye main nainital gait hi teesri bar.

In 6 salon mein mere kai boy friends bane lekin main kisi ke sath bhi vo feelings nahi mahsoos kar payi jo maine us ladke sath mahsoos kiya tha.

Aur haan, aapko us ladke ka nam to maine batay hi nahi! Uska nam Ajoy tha.

Aaj ye love story yahan post karke shayad main sochati hun ki vo agar ise padhe to use pata chale ki darasal mujhe usi se pyaar hai aur mujhe uska hi intezar hai. friends aap ise meri Boating in Nainital love story samajh sakte hai.

Readers favorite sad story in 4 parts – A sad Hindi Love Story about a boy and girl -Why it happened with me?

If only he’d come back a third time – hindi love story

by Anjali Hindi love story,Sad Hindi Love Story,Real Hindi Love Story,True Hindi Love Story,Romantic Hindi Love Story,Best Hindi Love Story,


(Visited 1,318 times, 1 visits today)
Updated: February 4, 2014 — 5:29 pm

7 Comments

Add a Comment
  1. Hi ritu ur story is good…& infact tum bhi bohot sunder ho…i really wanna be a very good friend to you Sach mein…if interested….Zindagi bhar ki cute friendship ke liye pls i wanna hear your voice…pls call 9871 283 123

  2. Ishwar kare wo aapki story padhe, aur aap dono humesha ke liye ek ho jaye.

  3. so sad yr but mill jayega jab pyare sacha ho,,,,

  4. awsm….

    best moments…:)

  5. thanks Rohit. You are welcome.

  6. this is amazing.

  7. very like love story

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme