UA-37077090-1 A Love story with a happy ending

HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




A Love story with a happy ending


A Love story with a happy ending

A Love story with a happy ending

Friends, ek interesting story hai jo main aap sabko sunanae jar aha hun. Ye ek aisi love story hai jise happy love story kah sakte hain, lekin hai ye ek love story hi yani A Love story with a happy ending!

Rajesh ek college mein padhta tha. Uski dosti sanjay nam ke ladke se thi. Vaise to aur bhi kai ladke uski class mein the lekin sabse gahri dosti uski sanjay se hi thi. Sanjay ki ek girl friend thi sumita. Sanjay ki rajesh se dosti ke karan sumita ki bhi rajesh se dosti thi. Lekin rajesh ne kabhi bhi use sivay dost ke aur kisi najar se nahi dekha jabki kai bar to vo rajesh ke sath bhi ghmune chali jati thi. Uski bike pe bhi kai bar vo uskle sath market ja chuki thi.

Darasal jis college mein vo padhte the usmein ye log hostel mein rahte the. Hostel shahar se kafi bahar the, kafi door. Girls boys ke hostel kareeb hi bane hue the. Bas, ek dusre ke hostel mein boys ya girls ka jana mana tha.

Ek din aise hi sanjay nahi tha to sumita ne rajesh se kaha ki kya mere sath market chaloge? Mujhe ek dress khareed ke lani hai jo main annual function mein pahanne vali hun. Rajesh ne kaha, chalo.

Dono jab market ja rahe the to ajay, jo unhi ki class mein padhta tha, usne unhen jate hue dekha. Ajay sanjay se bahut jalta tha kyunki usne bhi sumita ko apni girl friend banana ki bahut koshish kit hi. Uske dimag mein ek kutil idea aaya aur vo sanjay ke pas gaya jo us vaqt lab mein tha aur kuchh assignment pura kar raha tha.

Ajay ne sanjay ke pas ja kar kaha ki kya bat hai sanjay, tum yahan aur sumita vahan rajesh ke sath gai hai. Sanjay ko rajesh ki dosti pe bharosa tha aur ye koi nai bat to thi nahi to usne kaha, han, to tujhe kya pareshani ho rahi hai. Ajay ne chal chali, bola, dost mujhe to koi pareshani nahi hai par tumhen bahut pareshani hogi jab tumhe pata chalega ki vo dono movie dekhane gaye hai. Sanjay ne kaha, aisa nahi ho sakta, vo to market gaye hain. Ajay ne kaha ki vo tum jano, mera kam tha tumhe batana, so maine bata diya.

Ajay to ye bol kar nikal gaya lekin ab sanjay ke dimag mein khatka hua? Sumita mera wait bhi to kar sakti thi. Abhi to 3 hi baje hain. Itni kya padi thi. Fir usne kaha ki pagal tu apni girl friend hi nahi apne dost pe bhi shak kar raha hai aise hi kisi ke kahne par.

Khair, sham ko vo sumita ke hostel ke bahar usko milne gaya to dekha ki rajesh sumita ko lekar vapas aa raha hai. Bat to kuchh nahi thi lekin aaj use ye dekh kar achchha nahi laga. Pyar cheej hi aisi hai doston, shak ka beej pada nahin ki dimag mein aise hi negative khayal aane shuru ho jate hain. Bas yahi sanjay ke sath bhi ho raha tha.

Us din uska mood off hi raha. Sumita ne puchha bhi ki kya bat hai? Lekin usne kuchh nahi bataya. Aur us din vo der tak bhi sumita ke sath nahi ghuma, jaldi hi bye karke vapas aa gaya.

Udhar Ajay rajesh ke pas jakar bola, ek bat bataun? Rajesh ne kaha kya hai, bolo? To Ajay ne kaha ki sanjay kah raha tha ki rajesh uski girl friend mein kuchh jyada hi dilchaspi dikha raha hai. Rajesh suljhe hue dimag ka ladka tha. Usne vahin kheench k eek tamacha diya Ajay ke gal par aur bola, chal bhag yahan se, main tere jaison ko achchhe se pahchanta hun. Tum logon ka kam hi yahi hai doston mein darar daalna. Foot yahan se.


Lekin udhar sanjay ke to man mein fans aa gait hi. Agle din usne socha ki thoda chhup ke dekhata hun ki rajesh aur sumita jab milte hain to kya bat karte hain. Aur yahi sochte hue vo class mein jakar baith gaya. Udhar sumita ne kal apni dress lete vaqt kuchh rupaye rajesh se le liye the jo use kam pade the. Jaise hi vo class mein aayi seedha rajesh ke pas gayi aur ek envelope rajesh ko diya. Vah nahi dikhana chahti thi ki vo rajesh ko paise puri class ke samne de rahi hai. Par sanjay ke to man mein envelope dekh ke shak ho gaya ki jaroor ye koi letter hai. Ab to uske dimag mein halchal mach gayi.

Sham ko jab vo sumita se milne gaya to uska mood bilkul talkh tha aur ukhdi ukhdi baten kar raha tha. Sumita ka bhi mood off ho gaya aur vo jaldi hi vapas apne hostel chali gayi.

Agle din sanjay aur sumita mein koi bat nahi hui. Agldin bhi aisa hi hua aur agle kai din tak aise hi chalta raha. Rajesh ne pahle to socha ki aapas mein aise hu kuchh ho gaya hoga lekin jab kai din beet gaye to uska matha thanka. Usne sumita se puchha kya bat hai? To sumita ne bataya ki ek hafte se sanjay use theek se bat nahi karta ya fir taunt se bat karte hai. Achanak rajesh ki samajh mein bat aa gayi ki kya hua hai. Use Ajay ki bat yad aa gayi.

Vo sanjay ke pas gaya aur bola ki ek bat bata yar, kya ajay se teri dosti hai. To sanjay ke munh se nikla haan, vo to mera sachcha dost hai. Bas rajesh ko confirm ho gaya kyunki pahle to ajay aur sanjay kabhi fast friend nahi the. Vo samajh gaya ki ajay ne hi aag lagayi hai. Aur vo ye bhi samajh gaya ki kya aag lagai hai. Par uske dimag mein ab ye chal raha tha ki kaise sumita aur sanjay ki sulah karai jaye aura jay ko sabak sikhaya jaye.

Fir uske dil mein ek plan aaya. Usne sumiya ko bulaya aur use apne man ki bat batai. Sun kar sumita ko ajay par bahut gussa aaya aur boli ki abhi us esabak sikhati hun. Rajsh ne bola ki nahi aise nahi, usko achche se ilaj karna hai. Fir usne sumita ko apna plan bataya jo sumita ko pasand aaya.

Agale din sumita ajay ke pas gayi aur use kaha ki ajay, kya mere sath coffee peene chaloge? Ajay ke to hath jaise laddoo lag gaye ho! Bola, chalo. Vo dono turant college ki canteen mein chale gaye. Vahan, rajesh pahle se sanjay ko lekar gaya hua tha aur ek aisi seat pe baithe the ki jahan se ajay unhen na dekh paye lekin unhen sumita aur ajay ki bat sunai de jayen.

Sumita ne pahle to ajay se aise hi kuchh halki fulki baten ki aur fir achanak kaha ki ajay darsasl main tumhen pasand karti thi par pata nahi kaise sanjay se dosti ho gai. Na to vo tumhare jaisa handsome hai na hi rich hai. Pata nahi use mera peechha kaise chhutega. Ye sunte hi ajay hans pada, bola us idiot se to maine tumhara peechha pahle hi chhudva diya hai. Mere dimag ka kamal hi to hai ki vo do hafte se tumse bat nahi karta. Sumita ne puchha ki aisa tumne kya kiya ki vo mujhse door ho gaya hai to ajay ne kaha ki uske dimag mein maine dal diya hai ki tumhara aur rajesh ka chakkar hai. Bas usne tumhe chhod diya hai tabhi se.

Ye sunte hi sumita uthi aur ek tamacha raseed kiya ajay ke gal pe aur boli, lo ye tumhara inam. Aur tabhi sanjay aur rajesh bhi hanste hue vahan aa gaye. Sanjay ne rajesh ka hath pakad kar kaha ki jiske tumhare jaise dost hon uski jindagi mein kabhi koi dukh nahin aa sakta.

Fir usne sumita se bhi sorry kaha ki mujhe shak nahi karna chahiye tha. Sumita ne kaha ki is bar to maf kiya dubara fir mat karna aisi galti. Aur teenon dost hanste hue chale gaye.

Friends aapko ye stroy kaisi lagi, jaroor batana.

Readers favorite sad story in 4 parts – A sad Hindi Love Story about a boy and girl -Why it happened with me?

A Love story with a happy ending

by amit Hindi love story,Sad Hindi Love Story,Real Hindi Love Story,True Hindi Love Story,Romantic Hindi Love Story,Best Hindi Love Story,

 


(Visited 6,865 times, 1 visits today)
Updated: February 5, 2014 — 3:18 pm

4 Comments

Add a Comment
  1. Best story

  2. Simple. , .yet nice. . .

  3. Mst yr

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme