HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




My Birth day – sweet Love Story by Aakash


My Birth day – sweet Love Story

friends, ye ek bahut hi sweet love story hai jise main kahta hun ki ye meri Birth day Love Story kahta hun.

read My Birth day – sweet Love Story

26 september ko koi khas din nahin tha. Bas sab din jaisa hi tha. Sab vaise hi hua tha jaise aur din hota hai yani suraj purab mein uga tha, bachche school ja rahe the, unke mata pita office ja rahe the. Sab apne dainik jeevan mein bisy the sivay rajni ke. Rajni rat bhar karbatein badalti rahi yahi soch kar ki kal vo kya karegi. Aaj ka din uske liye khas tha kyunki aaj mera janm din jot ha.

Sab lpg apna birth day badi dhoom-dham se manate hain par mujhe lagta hai ki ye sab nahin karna chahiye khaskar maine to ais akoi kam nahin kiya paida ho kar!

Main to chahta hun ki janm din tabhi manaun jab main jindagi mein koi aisa kam kar jaaun jisse log mujhe yad rakhein.

 

Ab ye to aap ko pata hi hai ki ladkiyan badi jiddi hoti hain. Girls are just like that. Bas usi ne ek din mujhse mera sahi birth date pata kar li varna main kisiko theek date batata hi nahin tha apne birth day ki. Lekin vo mere peechhe hi padi rahi jab tak use pata nahin chal gaya ki mera birth day kab hai. Aisi hi hai vo.

Darasal uske liye birth day bada special din hai. Kisi ko bhi birth day wish karna bhoolti nahin hai. Sab ko wish karti hai. Message bhejti hai fir main thahra uska khas dost! Vo mera janmdin kaise bhool sakti thi!

Vaise to use rat ko badi neend aa rahi thi par apnaa munh dho dho kar vah jagi rahi aur theek 12 bajte hi uska call aaya – happy Birth Day to You!

Maine masti ke liye kaha – kiska birth day?

Usne kaha, banao mat – aaj timhara janm din hai na.

Maine kaha, nahin to. Tumhe kisne kaha?

Usne kaha are tumhi ne to bataya tha ki aaj tumhara janmdin hai. Ab hai to hai.

Main pareshan tha ki ab ye sab ko batayegi aur sare din tamasha hoga.

Maine kaha are aise hi kah diya hoga tumse peechha chhudane ko. Koi janm din vanm din nahin aaj mera.

Vo jhat se gussa ho gai – tumne jhooth kyun bola?

Are  tum mere sir ho gai thee to aise hi koi din bata diya hoga. Kya karta?

Lekin ab usne dusri rat laga li.

Tumne mujhse jhooth kyun bola. Aur bar bar yahi kahti rahi. Haan, aawaaj jaroor uski kuchh bhari ho gait hi ye kahte kahte.

Khair usne phone kat diya. Main bhi sochta raha ki khamkhah ki jid liye baitha hun main bhi. Aaj mera birth day to hai hi. Use naraj karke maine lya pa liya? Aur yahi soachte hue mujhe kab neend aa gai.

Subah utha aur fresh hone chala gaya. Jab lautha bathroom se to pata nahin kitne messge aur miss call the. Sare ke sare rajni ke hi the.

Message ye tha – why are you not lifting the phone. Bas ek bar bat karlo. Main tumhe tang nahin karungi. Sorry. Bas ek bar bat kar lo. Please please please.

Maine socha bekar hi pareshan ho rahi hai. Socha call karun tabhi uska call fir se aa gaya.

“Aakash, kya hua? Phone kyun nahi utha rahe the?”

“bath room mein than a”

“Achchha suno”

Haan, bolo kya bolna hai.”

Pata nahi kyun main itni berukhi se bat kar raha tha. Shayad main apna janm din sabko pata chalne se pareshan tha.

Rajni – “kyat um mere sath office chaloge?”


“nahin, tum jao, main apne aap aa jaunga bad mein.”

“mere sath chalo na”

“nahin jana tumhare sath, kaha na”

“kyun”

Äise hi”

Bas main use lad raha tha jaise. Ya birth day pe wish karne ki narajgi nikal raha tha.

Vo bar bar kahti rahi aur main bar bar mana karta raha. Yahan tak ki uska gala bhi rundh gaya aur vo rane jaisi ho gai. Maine phone kat diya to usne fir se call ki aur fir yahi sab. Kai bar hua yahi.

Aakhir mein maine har man kar haan, kar di. Aur main taiyyar bhi nahin hua tha ki vo apni scooty le kar mere ghar ke samne khadi thi. Aankhen lal, chehra aaonsuaon mein tar. Chehra udaas. Uska masoom sa chehra ekdam bachche sa roya roya ho gaya tha.

Lekin main bhi kam nahi tha. Badi berukhi se bola – “lo, chalo, office chalna hai to”
“tum mujhse naraj ho”

“nahin”

To theek se bat kyun nahin kar rahe?”

“har samay hansna jaroori hai kya?”

Rajni – ächchaa sino na”

“kya hai”

“Aakash, thodi der ke liye apne  flat pe chalo na”

Office nahin jana?”

“bad mein challenge na, please….”

“tum har bat mein jid kyun karti ho? Chupchap office chalna hai o chalo varna main apne aap chalaa jaunga”

Ab vo chup khadi rahi par aankhon se pani bahne laga. Ab is aansuon ki nadi ko par kar office jana mere bas ki bat nahin thi.

Usne mera hath pakad liya.

Bas main vapas apne flat pea a gaya. Usne bag se gift nikala aur mere samne rakh diya.

Mainnmana kar diya.

“gift hai, vapas nahin le ja sakti, le lo please.”

“main nahin le sakta, koi birth day to hai nahin mera, kyun loon?”

“main pahle hi nahut ro chuki hoon, aur mat rulao, please!!”

Aur vo fir rone lagi. Rote rote usne mere kandhe pe sir rakh ke kaha – “maine aaj tak kabhi kajal nahin lagaya hai. Bas aaj sirf tumhare liye lagaya hai aur tum ho ki…. “

Bas aur khud ko rokna mere bas ka nahin tha. Maine dheere se uska sar uthaya aur uski aankhon mein aankhein dal kar kaha – “haan, aaj hi hai mera janm din pagli, I Love You Rajni J” main samajhta tha ki mera birth day koi khas nahin hai but tumhare pyaar ne ise khas bana diya hai…

My Birth day – sweet Love Story in hindi

by Aakash Hindi love story,Sad Hindi Love Story,Real Hindi Love Story,True Hindi Love Story,Romantic Hindi Love Story,Best Hindi Love Story,


(Visited 3,567 times, 1 visits today)
Updated: September 21, 2016 — 10:20 pm

3 Comments

Add a Comment
  1. very sweet love stroy… kash meri bhi kuch aise hoti..

  2. so beautiful story ….
    mujha bhot acha laga kas mera bi love aisa hota …

    I miss u my love paglu ….

  3. Hallo friends……….
    Meri bhi ak lovely love story hai
    Mai ak ladke se bahut pyar krti hu
    aur vo mujse

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme