HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




Heart touching Love Story of a husband and blind wife


Heart Touching husband and blind wife love story

Friends, bahut se log apna love gift deke show karte hain, bahut se cards de ke show karte hain, kuchh love ke message bhejte hain apne pyar ko jahir karne ke liye. But real love wo ha jo action se jahir ho.

Ek ais hi cute love story aaj aapke samne layi hun:

Ek bahut sundar yuvti apni baisakhi ke sahare bus mein chadti hai, aur sabhi yatri us yuvti ko sympathy se dekhte hai.

Ticket lekar vo apne baithne ke liye, hathon ke sparsh se seat ki khoj karne lagti hai. Khali seat milte hi vo wahan baith jati hai, apne bag ko apni ghod par rakhti hai aur apni baisakhio ko apni tango ke sahare rakh deti hai.

Ek saal pehale Sunita ne apni ankhon ki roshani kho di thi. Kuch dawaio ke galat ilaaj ke kaaran usne apni ankhon ki roshani kho di aur ek aisi dunia me kho gai jahan use sirf andhera, gussa, aur nirasha hi mili.

Wo hamesha yahi sochti rehati thi ki uske saath aisa kaise ho sakta hai? Par wo jaanti thi ki uske rone se bhagwan se prarthana karne se kuch nahi hoga, yeh uski zindagi ka kadva sach hai ki uski ankhon ki roshani ab kabhi bhi vapas nahi aane wali hai.

Kuch samay ke liye, dard ke badal uski himmat par haavi ho gaye. Par uske jeene ka maatr maksad tha uska pati Manish. Manish, vayu sena me  ek adhikaari tha aur apni patni se bahut prem karta tha.

Jab Sunita ne apni ankhon ki roshani kho di thi, to Manish  ne hi use sambhala, aur jeene ke liye himmat jutane me uski madat ki. Ab, Sunita apna kaam khud karne me samarth ho gai hai aur apni naukari par dobara jaana chahti hai par kya ab use vo naukari milegi?

Sunita abhi bhi sheher me akele ghumne se darti thi. Manish use roz uske daftar tak chodta tha jabki un dono ko ulti disho me jana hota tha.

Pehale to Manish ko yeh theek lagta tha ki vo apna farz nibha raha hai par baad me use mehsus hua ki yeh bahut samay vyarth karne ki baat hai aur sath hi sath paise bhi.


Jab Manish ne Sunita ko kaha ki ab use pehale ki tarah phir se bus se jaa shuru kar dena chahiy, to yeh sunkar Sunita bahut dar gai aur wo samajh nahi pa rahi thi ki is vichar par kya reaction de. Phir usne Manish se kaha ” Mein  andhi hu, aur mein kaise pata laga paungi ki, mein kahan ja rahi hu ?”

Usne kaha “shayad tum ab mujhse pareshan ho gaye ho. Sunita ki iss baat se Manish ka dil toot gaya. Par usne Sunita se vaada kiya ki wo roz uske sath bus me jayega, jab tak ki use bus me jane ki aadat nahi ho jati. Aur phir unhone bus se jana shuru kar diya. Kuch do hafto tak Manish lagaatar Sunita ko uske daftar tak chodne aur lene jata tha. Roj Manish uske sath bus se jata aur use batata ki kaise vo apne liye seat le, aur kaise pata lagaye ki wo kahan hai…, aur phir wo taxi lekar apne daftar jata.

Ye routine to pehale se bhi jayada costly aur thakane wala tha par Manish ko yeh pata tha ki Sunita bus tak akele nahi ja sakti.  Ek din Sunita ne yeh faisala liya ki vo ab akele bus se apne office tak jaa sakti hai.

Phir Monday ki morning aayi, aur Sunita bus stop par Manish ka hath pakad kar khadi hui thi, tabhi bus aa gai. Manish ne bahut pyar, sehensheelta aur ankho me aansu ke saath use good-bye kaha aur vo dono alag-alag route par nikal pade.

Isi tarah vo roj akele-akele jane lage aur Sunita ko bhi akele bus se jane ki aadat ho gayi.  Phir Friday ki morning bhi hamesha ki tarah Sunita ne akele bus pakdi. Aur jab vo driver ke paas ticket lene gai, to driver bola ” Mujhe tumse jalan hoti hai. ” Sunita ko us driver ki baat kuch samajh nahi ayi, ki aakhir ek blind passanger se kisi ko kaise jealousy ho sakti hai, jo ki pichle ek saal se apni zindagi jeene ke liye struggle kar rahi hai.

Vo driver se puchti hai ” Tumhe mujhse kyu jalan hoti hai? ” Vo driver jawab deta hai ki mujhe yeh dekh kar ki koi tumhara itna khayal rakhta hai, hamesha tumhe protection dene k liye itna kuch karta hai.

Sunita ko kuch samajh nahi aa raha tha ki vo aadmi kehna kya chahta hai. Vo usse puchti hai ki  ” Iss baat ka kya matlab hai?” Driver kehata hai ki “Tumhe pata hai, ki pichle kuch dino se ek aadmi, military ke kapdo me, bus me ek koone par khada hua tumhe dekhta rehta hai. Vo dhyan rakhta hai ki tum acche se sadak paar karo aur jab tak tum office ke andar nahi jati vo tumhara dhyan rakhta hai. Aur jab tum chali jati ho to tumhe salute kar ke vapas chala jata hai. Tum bahut hi lucky ho.

Yeh sunkar Sunita ki ankhon me aansu aa jate hai. Aur use mehsus hota hai ki use shrap nahi vardaan mila hai bhagwan se, uske pati Manish ke roop me, jo ki ankhon ki roshani se kahi jyada importance rakhta hai. Use ek gift mila hai pyar ka jisse vo har us jagah roshani kar sakti hai, jahan bhi andhera ho.

Friends, tell me if you liked this heart touching love story. Aapne real love story to padhi hongi lekin ye real love ke bare mein story hai meaning story of real love.

Hindi Love Story of a husband and blind wife

story by admin Hindi love story,Sad Hindi Love Story,Real Hindi Love Story,True Hindi Love Story,Romantic Hindi Love Story,Best Hindi Love Story,


(Visited 7,103 times, 1 visits today)
Updated: September 21, 2016 — 10:20 pm

8 Comments

Add a Comment
  1. rula diya yar nice

  2. Its really marvelous. heart tuchable

  3. This is a real love story

  4. I salute the real LOVE

  5. really nice

  6. i love u anurag so mach

  7. Really Sunil, it is very emotional story!

  8. Fabulous & Heart touching story…….

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme