UA-37077090-1 Hindi Love Story - hum dono ki aankhon mein aanshu they

HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




Hindi Love Story – hum dono ki aankhon mein aanshu they


Hindi Love Story – hum dono ki aankhon mein aanshu they

Main apne mata pita ki eklauti aulad tha. Shaadi ke kariban 15 saal baad mera janam hua, isliye meri parvarish bahut hi lad-pyar se hui. Waise toh hum middle class ko belong karte they par fir bhi Ghar mein kisi cheez ki kami nahi thi. Mera bachpan bilkul rajsi tha, eklauta hone ke ye fayede hote hi hain aur main toh fir shaadi ke itne saal baad paida hua tha. Kisi bhi cheez mein sochne bhar ki der thi aur woh saamne hoti thi. Kab schooling hui, college hua pata hi nahi chala. Padhne main zahin tha isliye jald hi ek achchi sarkaari naukri bhi mil gayi.
Din ke samay office mein aur shaam ka samay doston mein bitata tha. Dheere-dheere dost kam hone lage kuch ko naukri ke silsile mein doosre shahar jana pada, kuch ki shaadi ho gayi aur woh apni shaadi shuda zindagi mein busy ho gaye. Kuch ko private multinational company main job mil gayi toh woh der raat tak office mein hi busy rahne lage. Ab mera boriyat ka samay shuru ho gaya. Govt job hone ki wajah se shaam hote hi ghar pahunch jata tha. Ab mujhe akelaapan sataane laga.
Waise toh main maa-babuje se bahut pyar karta tha par maa-babuji mein aur mujh mein do generation ka gap tha. Isliye hamaari soch ka milna waise bhi possible nahi tha. Par fir bhi ek baat ka sahara hota tha ki kam se kam ghar par koi toh hai aur main bhi apna baaki ka bacha hua samay unke saath bitaataa tha. Par kismet ko shayad kuch aur hi manzoor tha. Maa-babuji ka ek accident mein swargwas ho gaya aur main akela rah gaya. Unke jaane ke baad mujhe pata chala ki main unse kitna pyar karta tha. Aur fir kabhi-kabhi apne aap ko kosta tha ki maine kyon nahi aur samay unke saath bitaya.
Samay ke iss kutharaghat se main bilkul toot gaya tha . Kuch dino toh rishtedaaron ne saath diya par woh bhi kab tak apna ghar baar chod kar mere saath rahte. Ab mujhe ghar ke kaamo mein bhi badi muskil hone lagi. Chai banana aur ande ubaalne ke allawa mujhe kuch nahi aata tha. Aise samay mein papa ki baat yaad aaya karti thi. Woh kahte they ki beta thoda bahut kitchen ka kaam bhi seekh lo. Jab hum ghar par nahi hote toh hamein kam se kam iss baat ka toh sukun rahega ki tum bhookhe nahi ho. Par tab unki baat ek kaan se suni aur doosre kaan se nikal di. Aaj pachta raha hoon ki kash unki baat maan li hoti.
Halanki meri umar zyada nahi thi, par fir bhi maa kahati thi ki beta bahu le aao. Kab tak main rasoi mein padi rahungi. Tera bhi mann bahal jaayega aur mujhe bhi kitchen se chutti mil jaayegi. Agar maa ki woh baat maan li hoti toh aaj na to akelapan satata aur na hi kitchen ka gam. Khair pados ki aunties ki wajah se khichadi banana seekh liya jiski wajah se mujhe bhuke pate nahi sona padta tha.
Aise main ek din meri postin south India ke ek chote se kasbe Kunnoor mein ho gayi. Meri job transferable hai. Isliye transfer refuse nahi kar sakte. Fir yahan koi tha bhi nahi jiske liye rukta isliye chal pada. Ab zindagi kismet ke hawale kar di jahan lekar chalti hai chal pada. Shuru ke ek hafte toh office ke guest house mein guzara, fir office ke ek colleague ki madad maangi ki kahin kiraaye ke ghar ka bandobast kar de. Chota kasba hone ki karan kiraaye ke makaan ka wahaan chalan nahi tha.
Sabke apne makaan they. Kasba bahut chota tha isliye jobs ke bahut zyada scope nahi they. Isliye outsiders bhi nahi they. Khair kaafi dhundhne par ek makaan mil gaya. Ghar kaafi bada tha mujhe chat par ek bada sa kamra aur ek kitchen de diya gaya. Ghar ki malkin ne mujhe ye makaan badi majboori mein diya tha. Unki maali haalat achchi nahi thi. Unki koi permanent aamdani nahi thi. Pahle toh ghar ka kharch kheti-baadi se chalta tha. Par kuch saal pahle ghar maalik ne bank ka karz wapas na kar paane ki haalat main aatmhatya kar li thi.


Ye south India mein aajkal aam baat hai. Har saal kai kisaan jab bank loan return nahi kar paate toh aatmhatya kar lete hain. Sarkaar bhi aankhe band kar ke baithi hai. Kisaano ki dayniy haalat hai. Par govt. kuch nahi kar rahi. Jis saal number of suicides badh jaate hain, us saal kuch kisaano ka loan maaf ho jata hai. Iske allawa koi sarkari madad nahi. Sthiti ko sudharne ke liye kaagazon par toh bahut kuch hota hai par zamini haqikat kuch aur hi hai.
Khair is ghar ki haalat bhi kuch aisi hi hai. Mrs. Rao apne chaar bachchon ke saath rahti hai. Do ladke aur do ladkiyan. Sabse badi Madhavi jiski umr sirf 20 saal hai, fir 15 saal ka Vanshi, fir 12 saal ki Naglaxmi aur sabse chota 8 saal ka Sri Nivasa. Kheti–baadi aurat ke bas ki baat nahi isliye ye saara kaam unke devar dekhte hain. Aur badle main guzaare layak anaaj de jaate hain. Madhavi pados ke bachchon ko music aur dance seekhati hai. Uske badle jo aamdani hoti hai us se baaki bachchon ki padai hoti hai.
Mrs. Rao ados-pados ke kapde silti hain. Aur khali samay main nariyal ke reshon se rassiyan banati hai. Ye aamdani ghar ke baaki kharchon ke allawa emergency main kaam aati hai. Mere unke ghar mein kiraaye par aane ki wajah se unki mushkilon se bhari zindagi mein kuch aaram aa gaya tha. Waise toh who log bahut achche they, par chah-kar bhi woh meri koi madad nahi kar paate they. Main unki Telugu bhasha nahi jaanta tha aur who meri hindi nahi jaante they. English mein bhi ghar mein sabhi ka haath tang tha. Thodi bahut hindi aur english Madhavi aur Vanshi jaante they, par woh jab available nahi hote they toh mujhe badi muskil hoti thi. Mrs. Rao toh zyada padhi-likhi nahi thi aur baaki dono bachche abhi chote they.
Par dheere-dheere maine telugu seekhna shuru kar diya. Taaki mera kaam chal sake. Ismein bahut zyada kathinai nahi aai. Uss illake main telugu bolne waale logon ki bahutayat thi. Office main bhi mere colleague isi bhasha main baat karte they. So thoda-thoda main bhi seekhne laga tha. Jagah nayi thi isliye main apni aadat ke anusaar chutti hote hi ghar aa jaya karta tha. Shaam ke samay Madhavi bachchon ko classical dance sikhaya karti thi. Main aksar chhat par se usse dance seekhate hue dekha karta tha.
Bachchon ko dekh-dekh kar main bhi thode bahut steps seekh gaya tha. Akele main kabhi kabhi un steps ki practice bhi kiya karta tha. Ek din Madhavi ne mujhe dance karte hue dekh liya. Woh chupchap mujhe dekhti rahi fir achanak mujhe tokte hue boli, “ye step galat hai, isse aise nahi aise karo… Toh chup-chup kar dance seekh rahe ho aur guru shayad main hi hoon. Fir nikalo guru dakshina.” Aur fir hansne lagi. Fir boli, “agar dance achcha lagta hai toh seekhte kyon nahi?” Maine kaha, “sharm aati hai… Khair samay mile toh tum hi seekha dena.”
Ab Madhavi aksar chhat par aane lagi aur kabhi-kabhi mujhe dance bhi sikhaane lagi. Iske badle mein, main use thodi bahut English aur hindi seekha diya karta tha. Issi beech ek din Madhavi ko pata chala ki main hafte ke saaton din khichdi khata hoon. Woh pahle toh dukhi hui fir usne apni maa se baat karke mujhe bhi khana apne saath khane ke liye kaha. Andha kya maange do nain, yahan toh chaar mil rahe they. Maine bhi jhat se haan kar di. Ab main unhi ke saath khana khane laga. Aur kirayedaar se paying guest ban gaya. Main khane ke liye unhe kuch paise alag se dene laga. Kabhi-kabhi rashan aur sabji bhi market se le aata tha.
Ab main ghar walon se kaafi achchi tarah se ghul mil gaya. Ghar ke chote-mote kaamo mein bhi haath batane laga. Khali samay mein bachchon ko padhane laga. Unke ghar mein ek jo mard ki kami thi woh thodi-thodi bharne lagi thi. Main bhi unke ghar ka ek sadasya ban gaya tha. Dheere-dheere samay beetne laga mujhe unke saath kariban chaar saal ho gaye. Vanshi 12th pass kar chuka tha. Uska MBBS mein selection ho gaya tha. Lekin fees ke chalte admission nahi le pa raha tha.
Par mere zidd karne par Mrs. Rao ne Vanshi ko MBBS karne ke liye Bangalore bhej diya. ‘Mere zidd karne par…’, haan in char saalon mein, maine is ghar mein woh jagah bana li thi ki ab main zidd kar sakta tha aur meri zidd maani bhi jaati thi. Darasal main iss pariwar mein kaafi ghul mil gaya tha. Ek baar ki baat hai, Mrs. Rao ki tabiyat kuch kharab ho gayi. Check up karane par pata chala ki unhe dil ki bimaari hai. Baat tab bigad gayi jab unhe pata chala ki unke devar ne unki saari zameen dhoke se hadap li hai.
Ye jameen hi unke bure waqt ka sahara thi. Isse bechkar hi woh apni betiyon ki shaadi karna chahti thi. Devar ke iss dokhe ko woh bardasht nahi kar paai aur unhe heart attack aa gaya. Unhe hospital mein bharti karwaya gaya. Doctor ne by-pass ki salah di. Kariban 2.5 se 3 lakhs ka kharcha tha. Saara parivar toot gaya. Bachche saare din bhar rote rahte they. Woh apne pita ko kho chuke they ab apni maa ko nahi khona chahte they. Par woh asahaay they. Madhavi apne chacha ke paas gayi gidgidaai par unhone koi madad nahi ki. Unke iss dukh ko mujhse zyada kaun samajh sakta tha. Main apne parivaar ko kho chuka tha.
Maine bagair kisi ko bataaye hospital mein saare paise jama kara diye. Mrs. Rao ka operation theek thaak ho gaya. Doctor ne unhe precautions lene ke liye kaha aur fir kuch dino ke baad unhe discharge kar diya. Mrs. Rao ke bahut poochne par Doctor ne unhe bata diya ki paise maine diye hain. Us din shaam ko Mrs. Rao ne mujhe bulakar poocha ki maine paise kyon diye. Mera unse kya rishta hai. Aur woh mera itna bada karz kaise chukayengi. Maine unhe bataya ki main apna parivaar kho chuka hun, aur ek anaath ki zindagi jee raha hoon.
“Itni badi duniya main baigair kisi apne ke jeena kitna mushkil hota hai, main achchi tarah jaanta hoon. Bhagwaan ne mujhe doosra pariwar diya hai aur aap ko khokar main iss doosre parivaar ko bhi nahi khona chahta.” Itna kahte hi mere aansu nikal aaye. Mujhe dekh kar ghar ke sab log rone lage. Mrs. Rao ne mujhe gale laga liya aur boli aaj se mere chaar nahi paanch bachche hain. Tabse main us ghar ka ek sadasya ban gaya. Aur mujhe bhi zidd karne ka adhikaar mil gaya.
Iske baad ek din woh bhi aaya jisne mujhe pareshaan kar diya. Madhavi 24 saal ki ho gayi thi. Ek din uske liye ek rishta aaya. Ladka bank mein kaam karta tha. Mrs. Rao ne mujhe bulaya aur bataya ki Madhavi ke liye rishta aaya hai. Ladka bank mein kaam karta hai aur hamaari jaat ka hai. Khaate peete ghar ka hai aur bagair dahej ke Madhavi se shaadi karna chahta hai. Bhala is se achcha rishta hamen kahan milega. Woh saamne se khud chalkar ye rishta maangne aaye hain. Agar yahan Madhavi ki shaadi ho jaati hain toh Madhavi ke bhag khul jaayenge.
“Aur fir mujh vidhwa ki liye is se badkar kya baat ho sakti hai ki woh log bagair kisi dahej ke meri beti se shaadi karne ke liye tayyar hain. Bolo beta tumhaari kya salaah hai. Agar tumhe thik lagta hai toh tum Madhavi se baat karo.” Mere muh se ek bhi shabd nahi nikla. Main chupchap unki baat suntaa raha. Aur ant mein “jaisa aap chahe…” kahkar chala aaya.
Madhavi ki shaadi ke baat sunkar mujhe pata nahi khushi nahi ho rahi thi. Ek ajeeb si bechaini hone lagi mera dam ghutne laga, aise lag raha tha jaise saans nahi liya ja raha hai. Main daudkar chhat par chala gaya taaki khuli hawa mein saans le sakun, par kuch fayda nahi hua. Kuch der mein Madhavi bhi chhat par aa gayi aur boli maa kah rahi thi ki tumhe mujhse kuch baat karni hai. Darasal Madhavi ne maa ki saari baaten sun li thi. Lekin fir bhi woh mujh se kuch sunana chahti thi.

Maine bagair uski taraf dekhe use jhidak diya. “Abhi mujhe kuch nahi kahna, mujhe pareshan mat karo.” Madhavi chali gayi aur main apne aap ko tatolta raha ki mujhe kyon Madhavi ke rishte se khushi nahi ho rahi. Agle din Madhavi ne mujhse kaha ki maa kah rahi thi ki mere liye ek rishta aaya hai. Mujhe kya karna chahiye? Maine kaha ki ab tum koi bachchi nahi ho badi ho chuki ho ye tumhaari zindagi hai, iska faisla tumhe lena hai, isliye iss faisle ko tum khud lo. Madhavi boli, “ye toh theek hai par ye itna bada faisla hai ki dar lag raha hai, main galat decision bhi toh le sakti hoon. Isliye tumhaari rai lena chahti hoon.”
Maine kaha, “Mrs. Rao ek heart patient hain, tumhe unki khushi ka khayal rakhna chahiye.”
Madhavi boli, “kya tum iss rishte se khush ho?”
Main gusse se bola, “ab meri khushi ki baat kahan se aa gayi.”
“Lekin main jaanana chahti hoon.”
“Haan mujhe khushi hogi, bahut khushi hogi.”
Main gusse se bahar chala gaya. Madhavi bhi rote-rote apne kamre mein chali gayi.
Mrs. Rao ne rishte ke liye haan kar di. Sagai ka din pakka ho gaya. Pahle navraatri ko mangni aur dashmi ko shaadi. Ghar main shaadi ki tayyariyan hone lagi. Ghar mein rang rogan, kapdo ki shopping aur gahno ki khariddaari hone lagi. Halaanki ladke waalon ne dahej ke liye mana kiya tha, par fir bhi ek maa apni beti ki shaadi ki tyari uske janam se hi kar deti hai aur fir thoda bahut toh loklaaj aur lok dikhave ke liye bhi karna padta hai.
Mrs. Rao ne bhi kaafi kuch jod rakha tha. Bas zaroorat thi usko ek naya roop dene ki. Jaise-jaise din nazdeek aane lage Madhavi ka chehra murjhane laga. Woh jab bhi akeli hoti rone lagti. Har samay khilkhilane wali Madhavi gumsum rahne lagi. Ab woh mujh se nazrein churaane lagi. Idhar main bhi chid-chida ho gaya. Ghar mein toh normal rahne ki koshish karta, jhoothi hansi hansta, par office mein baat-baat par jhagad padta. Har baat par gussa ho jata. Dheere-dheere mujhe iss baat ka ehsaas ho gaya ki main Madhavi se pyar karta hoon.
Aur isiliye main uske rishte ki baat ko sah nahi pa raha hoon. Usko kho dene ke dar se dukhi rahta hoon. Par main majboor hoon kuch kar nahi sakta. Mrs. Rao ek heart patient hain agar unhe iss baat ka pata chala toh woh iss baat par kaise react karengi. Mere baare mein kya sochengi. Kahin woh iss baat ko jhel nahi paai aur unhe phir se attact aa gaya toh. Fir main unki caste ka bhi toh nahi hoon.
Mujhe kahin na kahin iss baat ka viswas tha ki Madhavi bhi mujhe chahti hai. Par woh mera faisla sun na chahti hai. Woh ek ladki hai, woh apne dil ki baat zubaan par nahi la sakti. Fir maine aaj tak use kuch kaha bhi nahi hai ki main uske baare mein kuch feel karta bhi hoon ya nahi. Shaadi ke din nazdeek dekh kar Vanshi bhi kuch din pahle ghar aa gaya. Vanshi ab kaafi bada ho chuka tha aur sab kuch samajhne laga tha. Usse ghar ka mahaul kuch badla-badla sa laga.
Main aur Madavi sabke saamne toh khush rahne ka dhong karte par akele mein dhukhi ho jaate. Vanshi ne iss baat ko bhaanp liya. Mrs. Rao bhi ghar ke iss badle hue mahaul ko notice kar rahi thi. Fir ek maa se apne bachchon ka dukh nahi chupta, woh sabkuch samajh leti hai. Ek din usne shaam ko sabko bulaaya. Maine aaj Madhavi ke rishte ke liye mana kar diya. Main aur Madhavi Mrs. Rao ko hairaani se dekhne lage. Woh boli maine uske liye ek doosra ladka dekh liya hai, pahle waale se bhi achcha. Madhavi fir se pareshaan ho gayi aur main dukhi.
Itne main Mrs. Rao ne Vanshi ko kaha, “Vanshi nikalo toh” aur vanshi ne apni jeb se ek anguthi nikali aur mere ore badhaate hue bola, “pahnao jijaji didi ko anguthi.” Vanshi ke in shabdon ko sunkar mere hosh udd gaye. Vanshi ne mujhe chutki kaati aur bola, “kya hua, ladki pasand nahi hai kya?” Maine kaha, “nahi nahi, aisi baat nahi hai” aur jaldi se Vanshi ke haath se anguthi lee aur Madhavi ko pahna dee. Sab hamein dekh kar hansne lagey. Maine aur Madhavi ne maa ke paair chu kar aashirwad liya. Main aur Madhavi dono ek doosre ko dekh rahe they, hum dono ki aankhon mein aanshu they. Hum dono ko akela chodkar sab kamre se baahar nikal gaye.


(Visited 99,168 times, 1 visits today)
Updated: February 5, 2015 — 10:54 pm

33 Comments

Add a Comment
  1. Nice story …

  2. BHAII, GREAT GREAT, LOVESTORY …
    AANKH ME AANSU AA AGEY …
    SUPER REAL LOVESTORY….
    AAP KI JODI KA TO KAMAL NAHI. .
    I HOPE AAP DONO ABHI BHI SAATH HO….
    PLEASE MERA TARAF SE BHABHI KO MERA SALAM….
    MY CONT- 8051833195

  3. BJAI, GREAT GREAT LOVESTORY …
    AANKH ME AANSU AA AGEY …
    SUPER REAL LOVESTORY….
    AAP KI JODI KA TO KAMAL NAHI. .
    I HOPE AAP DONO ABHI BHI SAATH HO….
    PLEASE MERA TARAF SE BHABHI KO MERA SALAM….
    MY CONT- 8051833195

  4. Very lovery sad or hapiness story

  5. Aap k niswarth prem aur pyar se to bhagwan ka v dil pighal jata fir a to insan the

  6. very nice story and heart touching

  7. Es difícil encontrar su blog en el navegador, necesita más backlinks.

    Sé lo que puede ayudarle. Escribe en google por:

    Burol’s Tips Outsource The Work

  8. verri nice

  9. log sach hi kahate hai… Sachche dilo ki jori upar wale hi banakar bhejte hai jo in dono ko mil gaya.bhagwan yese sab ko de….

  10. very very heart touching storiei
    rula diya dost….
    aap great ho
    _/\_
    please contact me

  11. Great story n also u r great,rula diya Tmne to..

  12. bhai ye tumhara true love hai ise kabhi bhi chhodna mat,
    god bless you!
    my friend.

  13. Nice story ture love .my nob. 09991586594

  14. Nice bro jo hota h so ache ke liye hota h

  15. Heart was so relieved. Man

  16. Path k maja a gya u r great

  17. wawww…kya story h..
    Earlir i thought ki ye koi sad story hogi ar aap 2no alag ho jaoge…par ye to happy ending h…with tears nd smiling…

  18. me bohot khush hun ye story sun kr kash hr kisi life me pyar usi ki kismt me ho. koi kisis ko na khoye bt 2 pyar krne wale ak ho jaye

  19. 7742197602

  20. 7742197602

  21. ek mumber love story hai yaar

  22. HI.My name is mahi.or me gurgoan ke ek chote se gaon m rahti hu.y meri pahle pyar ki pahli story h jo m ap sabhi ko btana chahti hu.m kafi dino s sonch rhi thi ki how can i shere my true love story with all of you….Me BA 1st m padti thi,distence s mera callege tha.use time mujhe job ki bahot jarurt thi,mere ghr ki halat kuch thik ni thi.mene apni job ki bat apni friend s ki,to usne mere phon s apne maasi k bete s bat ki..unse kaha ki m btata hu..unka name Rahul h…bo meri life ke badlane ka pa

  23. nice story, i wish u happy life time both of u. my best wishes

  24. prince nice but muje ise samaj ne me bahot time lag me ise 2-3 bar pad ne ke bad muje ye samj me aaye verry nice aachhi baat he ki aap ne har bar use samja but jo hota he wo aachhe ke liye hota he is liye aagar koi nahi aap ki life me iise bi kuch aachh likha hoga really aab aap use pyar karo jo aap se pyar kar ta he dekho life kitni dhinchyak lag ti he take care bay have nice life my dear friend

  25. waw mere aankhose bhi aansu nikle realy true love aap dono aahesha khush rahe ye me duva karungi shadi mubark voi aaj pata chal ki insaniyat aabi he thax to mrs roy and u to realy nice yaar aab muje bi pata chal ki agar bhagvan ek rasta band karta he to durra bi khol deta he jo hota he wo aachhe ke liye hota he god bless u

  26. Nice story.
    Plz also read my story on submit ur story nd reply.

  27. hi,main us sapne ko sach karna chahta tha jo sirf ek sapna tha,,,
    baat un dino ki hai jab main PGDCA karne ke liye gaya tha. meri class august se start hone wali thi to main bahut late gaya hua tha jiske karad main apne class me kisi ko nahi pahchanta tha, par wanha mera ek friend pahle se tha. Wahi bas mera ek friend tha aur usne bhi apna ek friend circle banaya tha. Jab main pahli baar class pahucha to class start ho chuka tha jiske karad main abhi bhi kisi se jan pahchan nahi bana paya tha. Class lagatar 2 hour chala phir lunch ka time ho gaya to mera jo friend tha wo aur uske friends canteen ja rahe the, mere friend ne mujhe bhi apne sath le gaye. Main unke sath canteen chala gaya aur usne sabhi se mere ko introduce karaya, usme ek ladki mujhe bahut pasand aayi and un sabhi ke beech khud ko bahut odd feel kar raha tha,,,,,,,,
    Phir sabhi ne khane ka order kiya phir sabhi TEA le rahe the…. isi me itne me ek ladki ne kaha ki
    “TEA peene se log kale padte hai”
    ye sun kar mujhe thodi 2 hasi aa rahi thi, maine socha ki itne Gore log kale kyo nahi padte jo roj tea peete hai hai….. kamal ki baat to ye thi ki ye dialog dekar wo khud baad me tea pee rahi thi…ye baat kisi aur ne nahi balki usi ne kahi thi jise dekhkar mai bahut khus tha,,,,,
    Mujhe apne school and college life me koi bhi ladki pasand nahi aayi par use jab dekha to achha gaga….ye to mera first day tha..
    hum dono ek hi section ke the, phir bhi meri usse dosti nahi hui
    ho gaya kabhi 2 baat ho jati thi….. mai hamesa chup chup kar use dekhta rahta tha aur uske baat gaur se sunta tha…..aur hamesa uske peeche wale desk me baitha tha jisse mai use sun saku….mujhe pata nahi wo ye sab janti thi ya nahi……
    yaise dekhte dekhte 1 sem beetne laga mai kuch nahi kar paya bas use follow hi karta raha…..

    Uske baare me mujhe kuch khas pata nahi tha, mere friend ne bataya tha wahi janta tha ki wo ASAM ki hai. haaaa par wo class me sabse beutiful and haseen thi…kuch ladke use sexy girl ka bhi khitab dete the ….
    par mai un ladko ki neeyat se wakif tha. Use jab bhi dekhta to mere dil ki dhadkan badh jati thi mujhe pata nahi ye darr tha mera ya phir kuch aur hi….
    bas mujhe ek baat thik se pata tha ki wo mujhse 4 year badi hai ..wo near about 27 thi to mai 23 ka phir bhi mujhe wo bahut pasand thi….
    Wo din aa gaya jis din ka mujhe kabse intzaar tha jaise ki use hamesa follow karta tha to wo college ke pass hi room lekar rahti thi to mai class ke baad rojana wahi apne dosto ke sath ghumta rahta tha…
    mera room wahi se 5 km door tha to us din bhi 6 ke kareeb wo market ja rahi thi to use aata dekh mere ek friend ne mujhe akela chor diya kyonki use pata tha ki mai uske liye hi waha aata tha varna mera kya kaam hoga…
    October ka month tha din jaldi dhal jata tha to raat hone lagti thi, mujhe akela dekh usne pucha kya kar rahe ho yahan to maine kah diya bas dosto ke pass tha…sach baat to ye hai mai uska hi wait kar raha tha..
    phir usne mujhse kaha humare sath market chaloge? to phir bhala mai chance kyo jane deta…
    wo apne friend ke sath thi par mujhe pata tha ki usne yuhi kaha tha par mujhe to uske kareeb jane ka bahana chahiye tha… phir hum logo ne kareeb 1 hour sath me spend kiya , use kareeb se sunne, dekhne and samjhne ka mauka mila..

    Kisi karad use apne ghar jana pada, uski train raat ko thi ye baat mujhe pata tha to uske itna kareeb to nahi tha ki use station chorne ja saku par mai use dekhne jarur ja sakta tha,,,mere dil ne yahi kaha to mai apne friend ke sath station chale gaye ,, mere friend ne mujhe suggest kiya ki aaj mauka mile to thik se dosti kar lena kyonki mere friend ko wo thik se janti thi,,, hum dono station me kareeb 2 hour uska wait karte rahe .hume thik se pata nahi tha ki uska kis train me reservation hai to hum log jaldi aa gaye the…
    jaise hi mere friend ne bataya ki wo aa gayi ye sun kar mai bahut khus huya par meri khusi dekhte hi dekhte hi gum me badal gaya…
    mai dil hi dil bahut ro raha tha ye baat mere dost ko bhi pata chal gaya tha kyonki wo ek ladke ke sath aayi thi…..
    phir mere dost ne samjhaya ki raat ko ek akeli ladki jab station ghar se door ho to kaise jayegi.. par mai apne gum se bahar nahi nikal pa raha tha aur mere aankho se aasnu bah rahe the..
    mere aansu es karad nahi gir rahe the kyonki wo kisi ke sath aayi thi gum es baat ka tha kisi ko pahli baar pasand kiya wo bhi….

    mai uske aane ka besabri se intzaar karne laga phir wo 5-6 din baad aayi.. Jab wo class aayi sun kar ye bada jhatka laga ki uski ingagment ho chuki hai…Wo class me hamesa apne mobile pe busy rahti thi yani period ke time bhi sms karti rahti thi… phir mai use dekh kar hi khus rahta tha, ab dosti aage badhane ka mann nahi karta tha…par pata nahi kismat ko kya manzoor tha…
    pata nahi mann ko kya hua main hamesa uske bare apne dosto se puchta rahta tha jo uske room ke pass rahte the…uske baare me mujhe koi na koi information mil jati thi, agar wo apne dosto ke sath ghumne ya movies bhi jati thi to mujhe pata chal jata tha…
    Uski yaado me itna kho gaya tha ki thik se koi kaam nahi kar pata tha, sab kuch bhool sa jata tha bas yaad rahti thi to uski baate aur uska smiling face…
    jab wo khule hair karke class aati to class ke pure ladke usi ko niharte ho… Udhar kismat ka ek naya Khel kisi karad usne apna group chor diya hai to mujhe uske pass jaane ka mauka mil gaya..
    Isi beech maine apna dost ko kho diya ye koi aur nahi balki wahi tha jisne mere us ladki se introdce karaya tha aur humari dosti 10 year se thi hum log sath me boarding school and 3 year college me roommate the…Use khone ka mujhe bahut dukh tha par kahi na kahi es baat ki tassali thi ki hum log baad me mil jayenge. mere life me ek naya friend bhi aa raha….
    Diwali ka time aa gaya tha maine bahut himmat karke use movies jane ko kaha aur usne kaha kab jaana hai.. ye sun kar mai khus kam huya par sochne laga ki usne haa kaise kar diya kyonki wahi kahti thi ki use Movies dekhne ka koi interest nahi hai….
    par meri kismat itni kharab nahi thi..mera luck bahut time mere favour me rahta tha ……
    Aaj bhi mujhe yaad hai wo meri zindagi ka ek special day 11 nov
    jab wo mall aayi thi usne jeens pant and shirt pahna thi…
    Actual me movie to ek bahana tha mai to uske sath bahut time spend karna chahta tha wo pure mere sath raat 8 baje tak thi,, Diwali me apne ghar nahi ja rahi thi to use bhi pooja ka samaan lena tha jiske karad late ho gaya tha…
    Us din jab mai use kareeb se baat kar raha tha to apne khusi ko sambhal nahi pa raha tha….
    us pal ko aur bhi haseen banana chahta tha, socha ki phir pata nahi wo din kab aaye ki hum dono akele sath ho.. to use bahut gift dena chahta tha par wo kuch nahi lena chahti thi, phir maine use ek locket diya. mere bahut jeed karne se wo le li thanks to her..
    Sach baat ye hai pata ki mai bhool gaya tha ki kisi girls ke liye itna asan nahi hota ki kisi se kuch bhi le le, bas mujhe apni khusi dikh rahi thi.. Par usne wo chain to le liya par aaj tak maine kabhi use 2 minut bhi pahne nahi dekha…Is baat ka mujhe bahut dukh hai..
    dusre din diwali hone ke karad mai apne ghar aa gaya,, uske sath beetaye huye ek ek pal ko lekar itna khus tha ki mai bata nahi sakta…
    mere ghar me bhi koi nahi tha papa mummy village gaye the to akela tha to apne dosto ke sath time bita raha tha…Raat ko mai uske bare me soch raha tha to uska call aaya usne mujhe diwali wish kiya phir kaha ki ye
    “chain mere life ka sabse anmol gift hai yiasa mujhe aaj tak mere papa and mummy ne bhi nahi diya jo tumne diya hai ”
    jab tak ghar me tha to roj raat ko hum log baat karte the…
    phir 5-6 din baad class jana start ho gaya phir dheere dheere wo mere sath ghumne lagi…
    par class me use bahut ladke pasand karte the infact ek ladka aur bhi tha jo use station chorne aaya tha…
    phir hum log sath me bahut time spend karne lage..
    Usne mujhe apne life ke bare me bataya ki uska shadi 2 year pahle fix ho chuki thi,, Ha wo ladko se bahut nafrat karti thi she always say ” All men are DOg “..
    uski baate sun kar kahi na kahi mujhe lagta tha ki uske sath bahut bura hua ye to mujhe yakeen tha ki wo bahut udas hai ..use apni life se bahut sikayat hai.
    apne life me usne dhoke bahut khaye hai ,,,,
    dekhte dekhte time beetne laga ek din mai mall gaya tha movies dekhne uska call aaya usne mujhe ” I LOVE U ” kaha maine bola mujhe thik se sunayi nahi diya usne phir ” I LOVE U ”
    raat ko jab phone pe baat karte huye maine pucha to usne kaha mai to apne papa , bhai and dosto ko ye bolti rahti hui…ye sun kar mera dil to kabu me aa gaya par mere aankho se aansu nikal aaye..

    uske mai itna kareeb chala gaya ki uske liye mai apne sare kaam chor deta tha…sayad 11 nov se yaisa koi din bhi na raha ho jis din se hum log ek dusre ko 5-6 baar cal na karte honge..agar mai cal nahi karta tha to uska call jarur aata tha..wo mujhe apna ek freind samjhne lagi thi jisse wo sab kuch apna dil ke baat share kar sake aur mai bhi apne dil ko samjha chuka tha ki wo mai uska sirf dost banke khus rahunga… kabhi kabhi mai apni limit cross karke usse bahut kharab baate bol deta tha…par wo mere sari galtiya maaf kar deti thi…
    Ek din usne apne friend ke problem ke bare me bataya to mujhe to pahle se yakeen tha ye friend ka nahi usi ki problem hai
    Usne mujhe apni tadap ke bare me bataya jise sun kar mai uske dard ke bare me nahi soch sakta tha…
    Usne apne piyancy ke bare me bataya jisse uska shadi toot chuka tha par jisse wo bahut pyar karti thi.. Wo bahut ro bhi rahi thi uski shadi uske past ko lekar toota tha….
    par uska kahna tha ki wo ladka bahut pyar karta hai aur apne family ko jaldi hi mana lega…
    Kahi na kahi mai bhi uske piyancy ko bhool gaya tha jab usne ye bataya to phir uske future ko lekar pray karne laga ki uski jaldi usse shadiho jaye.. Wo apne piyancy se bahut pyar karti thi aur abhi karti hai…
    Un dono ko phone me jab bhi baate hoti thi sirf ladki ko rone ke alawa kuch nahi milta tha…
    jab wo mujhe ye sab batati thi pata nahi ye sab sun kar pata nahi kyo mere aansu aa jate the,,,uska mujhe dukha nahi dekha jata tha maine hamesa uski khusi chahi …mai to chahta tha ki jaldi usse uski shadi ho jaye,,, par mere chahne na chahne se kya fark padta tha kismat ko koi badal nahi sakta sayad us ladke ne apna kismat kahi aur likha rakha tha jo kahi aur shadi kar raha tha ,,,jab ye baat ise pata huya to us ladke se milne jane ke liye betab ho gayi, wo usse last time milna chahti thi par mai nahi chahta tha ki wo us ladke se milne jaye kahi na kahi mujhe us baat ka darr tha jo ek ladke ko kisi ladki ke liye hona chahiye..
    par usne jaane ki than li thi usne apne papa se pucha to uske papa ne mana kiya phir bhi wo nahi mani to phir mere baat ki kya value hoti…is baat ka mujhe bahut dukh ho raha tha usi din maine ye jana ladki jisse pyar karti hai usse bahut pyar karti hai…uske liye sab kuch chor sakti hai…maine hi uska ticket karaya tha wo jane se pahle usse phone pe baat karna chahti thi par apne mobile se nahi STD se…
    us din bhi maine dekha ki wo apne piyancy se baat karke bahut khus thi us din wo ro nahi rahi hai khus ho rahi hai sayed milne ki khusi hai..mai ye sab dekh kar mann hi mann bahut ro raha tha…
    ye mera us ladke ke liye jalan nahi tha par gum tha is baat ki ki jitna mann se wo apne pati se baat karti hai utna sayed 1 minut bhi nahi ki… jabki hum log din bhar baat hi karte rahte the par ye fark jaruri tha…Uska piyancy akela rahta tha wo job karta tha aur wanha iska aana jana 2 year se tha. jab wo raat ko apne piyancy ke ghar pe thi uske karad mai puri raat nahi so saka tha puri raat kya kya sochta raha aur ek to saturday to next din class jane ki bhi tention nahi…
    us raat mai soya hi nahi phir sunday ko bahut paresan huya uske kaamo se nahi uske halaat se…
    Wo kitni mazboor thi ki milne gayi hai aur uske piyancy ne use koi response nahi diya..sunday ko hi uske aane ki ticket thi to mai raat ko to so nahi saka tha din me dosto ke karad nahi so saka…jo train sunday ko aati wo yanah raat me 1 baje thi… to usne mujhe station aane ke liye to mana kiya tha par mai uske sath time bitane ke liye kuch bhi kar sakta tha, jaisa ki mera room 11 baje lock ho jata tha to mai station 10 baje hi pahuch gaya tha train late hone se 1baje aa gayi thi raat bhar na sone ke karad sir me kafi dard tha,, udhar jab station pahucha to bahut sard thi kyonki January tha..waha bhi nahi so saka jab subah huya to class bhi nahi gaya…
    kismat ka naya mod, yaise hi 2-4 din baad jab wo is hadse se nikli to usne mujhe fir se I LOVE U bola.. mai to usse bahut pyar karta tha aur hu..par 2-3 month baad ki mere pyar ka tumhe pata kab chala ? uska kahna tha ki jab tum station aaye tab..Uske is answer ne ek sawal aur khada kar diya ki Itne din se Use pata nahi chala ya wo ignore karti rahi…
    but mai ye sab bhool jata hu kyonki mai uske piyancy jaise koi galti nahi karna chahta hu ..
    look present how is she with u…
    maine uski hamesa success ki pray ki aur wo aage badhti gayi..exam se lekar college ke sare event me wo first aayi… ye sab dekh kar mai bahut khus tha ….uski khusi meri khusi uska gum mera gum..
    par usne kai baar pure class me Insult bhi ki jo mai sirf uske pyar ke karad wo bhi sah gaya…mai uske sath class me chipka rahta tha jo use pasand nahi aata tha ye use irration lagta tha…thik hai meri hi galti hogi sayed mai hamesa sath rahna chahta tha…mai jab dusre couple ko dekhta tha to unhe koi problem nahi hoti thi..ho sakta hai apni apni soch ki baat hai,,,
    mujhe ye kharab nahi lagta tha ki mai uske sath hu ya nahi par koi aur uske sath ladka rahta tha jarur mujhe gusaa aata tha wo bhi vaise ladke jinke intention main janta tha.. college ke time hi kuch aur mere dost ne mera sath chor diya…mujhe pata nahi wo karad ye hai ya nahi…
    par iske pyar me mai sab kuch bhool jata tha jo pyar mujhe ghar se kabhi nahi mila wo pyar mai yanha se pura karna chahta tha..
    mai suru se apne ghar se 6th class door raha hu..
    wo jab acche mood me rahti tho bahut achha baat karti thai agar gusse me ho to baat hi nahi karti thi..girls me koun si ye nayi baat hai gusaa to sab me hota hai.. Mujhe jab wo apne past ke bare me batati to mai bahut guar se sunta tha kyonki mere ko koi problem nahi hoti thi. mujhe uske present se matlab tha par mujhe uske baato se hairani hoti thi..
    Wo mujhe bata rahi hai wo sach hai ya jo mujhe nahi bata rahi hai wo …ya jo mujhse boli hai wo jhoot hai ..bahut sare sawal the jiska answer na janna hi thik tha mere liye…maine hamesa us par trust kiya aaj bhi karta hu..
    par usne jab bataya ki Uske Piyancy ke gift ke bare me to mere us Chain ka kya?
    har kisi ka past hota uska bhi tha ya nahi, ye dekh ke bhi mujhe koi fark nahi padta hai..
    dekte dekhte hum log itne kareeb aa gaye ki ghumne hill station gaye wanha hum log e sath me time bitaya wo mere life ke sabse yaadgaar din the…Uske baad wo mujhe apne ghar ASAM le ke gayi wanha UNCLE, Aunty se mila wo bahut aache hai ..unke ghar se mujhe bahut pyar mila ..Hum dono itne kareeb aa gaye the uske ghar ka 2 din ka pyar bhi mujhe sari beeti huyi life se bahdkar hai..
    US time Uski aanko pe apna pyar, meri liye uski khusi, uski chehre ki chamak kuch aur thi..mai uske pyar feel kar sakta tha…

    par ab sab kuch badal gaya hai
    Hum dono ke beech pahle bhi jhagre hote the mai use mana leta tha wo maan bhi jaati thi…Jhagre ka karad hamesa mai hi rahta tha use hamesa lagta tha ki mai jhooth bol raha hu…
    mai kahta kuch aur tha samjhti kuch aur thi ..usne mere sach ki bhi jhoot bana diya ki mai kuch nahi kar sakta tha,, mai use blame nahi kar raha hu..pahle mere har baat use thik lagti thi par ab sab kuch badal sa gaya hai galti kisi ko ho meri ya uski …
    “koi kisi se itna pyar kare to uski baat buri nahi lag sakti yaar”…
    wo dheere dheere badal rahi thi , mai use hamesa samjhata tha ki tum change ho rahi ho par wo sayd serious nahi le rahi thi, mera mera rona bhi use nahi dikh raha tha..Usko manane ke liye mai ASAM bhi gaya huya tha, socha tha mere wanha jane sab kuch thik ho jayega par mera aana use sahi nahi laga wo mujhse milne bhi aayi to majburi me..mujhe ye nahi pata tha ki girls ko kisi ka aake manana bahut kharab lagta hai. Aaker ek host ki tarah pura khyal rakha jaise ki mai uska guest hu…mai wanha itni door bhi gaya to ek din wo apna class bhi nahi chor sakti ..Wo coaching karti thi.mere jaane se aur baat bigad gayi jo kuch tha wo bhi mai kho diya…..wo mere se dheere dheere nafrat karne lagi thi…
    “maine bhi vahi kiya jo usne kabhi kisi aur ke liye kiya tha”

    samne wala ko bhi gusaa aa sakta wo bhi kuch kah sakta hai…
    wo mujhe pahle jaise time nahi de pati thi..mera shaddi .com id tha jab use pata chala to bahut kharab laga par jab wo kisi aur ko apne shadi ka request send karti hogi to mere ko kitna feel hota hoga ye use kabhi yahsas nahi hoga…
    maine aaj tak kabhi us par gusaa nahi kiya par pata nahi uske badalte huye behaviur ko dekhkar maine wo use kuch bol diya…
    kyonki abhi wo mere se baat bhi karti rahti to mere sath nahi rahti thi, uska mann kahi na kahi aur rahta tha..uske life me bahut se problem hai ye bhi karad ho sakta hai,, uska khud ka tention bhi karad ho sakta hai ya kuch aur ho jo mai samajh nahi paya…
    par other state bhi karad ho sakta hai…..
    par mujhe ab wo pyar nahi dikhta tha jo pahle kabhi aur tha….
    par maine jo pyar uske piyancy ke liye dekha hai wo pyar mai chahta tha …jo mujhe kabhi nahi mil sakta ab..mai to hamesa uske dukh ya sukh me tha par mere probel me wo kabhi mere pass thi hi nahi…
    na mai apne dosto ko pa saka na mera pyar hai mere pass…kitne sapne dekhe sab toot gaye …
    uske pyar aur mere pyar me ek fark jarur tha..
    “mai uske liye apne dosto ko bhool jata tha aur wo apne dosto ke liye mujhe bhool jati thi”
    agar tumhe dubara kisi se pyar ho to use kabhi mat chorna….

    ho sake to mujhe maaf kar dena par mai itna bura nahi jitna tumne mujhe socha kash aaj tum mera yakeen karo… still i love u so much …………
    mai hamesa use khus dekhna chahta hu…………
    prince

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme