UA-37077090-1 Happy Ending Love Story In Hindi - kuch bhi namumkin nahin hota

HINDI LOVE STORY

Best Collection of Hindi love Story | हिंदी कहानी | Hindi Story | Stories in Hindi | Hindi Love Stories | Love Stories in Hindi




Happy Ending Love Story In Hindi – kuch bhi namumkin nahin hota


Happy Ending Love Story In Hindi – kuch bhi namumkin nahin hota

Iam saira, or main aap se apni story share karna chahati hoon, yeh Oct, 2006 ki baat hai. Meri dusre office mein new joining thi. Main subah jab office pahunchi tu Maine kaam karna shuroo kar diya esi liye main jaldi free ho gai. achanak maine online aane ka socha, main online aayi to mera koi bhi dost nahin tha jis se main baat karti hoon, main chatroom mein chali gai, waha meri baat ek ladki se hui, ham study movies or dusre topics par baat karte isi tarah 5/6 din guzer gye, ek din usne mujh se ek photo share kiya jis mein zahid yani wo ladka jis se main chat karti wo or ek or ladka tha, maine zahid se poocha ki yeh ladka kon hai tumhara koi dost? tab usne btaya ki wo uska bada bhai hai, usne kaha ki kya tum usse baat karna chahogi to maine bola if you agree then fine, maine usse baat ki uska name zaheer tha, phir usne mujhe add kiya or kaha ki main office jakar dobara online aata hoon to baat karte hai, phir wo chla gya or thodi der baad online aa gya, wo ek businessman hai, zaheer ek bahut hi shareef or suljha hua ladka lga.  usne mujh se thodi baat ki phir mujhe propose kar diya, or kaha ki wo mujh se shadi karna chahata hai, par yaha ek baat btana chahoogi ki main usse bahut door thi i mean country distance, wo indian tha or main pakistani, or dusra ki main engaged thi, esi bina par maine use mana kar diya ki aisa namumkin hai, aisa nahin ho sakta, or sari hakeekat bata di, maine socha wo kabhi nahin shadi karega mujhse agar use pta chal jaye main engaged hoon.


magar maine kuch or hi jawab suna wo yah ki koi baat nahn main tumhe pa hi loonga chahe tum kitani bhi door ho, par main use theek se janti nahin thi esi liye maine zyada baat nahin ki or baat aai gai kar di, par wo mujh se deewano ki tarah pyar karne lgatha, yah baat main nahin janti thi ki wo mujhse es hud tak pyar karta hai , usne apni sari family ko mere bare mein bta diya ki main shadi karoonga to sirf usi se warna kisi se nahin, sb ne kaha ki wo to bahut door rahati hai tumhara aana or uska milna mushkil hai even main bhi yahi sochne lgi ki aisa kaise ho sakta hai ki ham mil paye wo ek alag country se hai or na ham waha ja sakte hai or na wo aa sakte hai, par sb ko agree kar ke zaheer mujhse kahane lge ki main unke pass  aa jaoo as a student , study visa par ,maine unke kahane par sb ghar walo se chup ke passport banwa liya or visa ke liye apply bhi kar diya,kyunki agar main ghar mein kisi ko bta deti to wo mujhe maar dete par mujhe jane nahin dete, main bahut  roti duain karti dusri taraf zaheer ka bhi yahi hal tha wo bachcho ki tarah rote magar majbori yh thi ki ham apni merzi se mil nahin sakte the wo mujhe daily phone karte or main ghar walo se chori chupe unki call sunti. phir ek din aisa hua ki mera visa reject kar diya gya us din aisa lga jaise main toot gai hoon mujhe apni parwah nahin thi mujhe parwah thi to sirf zaheer ki kyunki wo to shayad yah jankar ki main nahin aa paoongi unke pass khudkhushi hi kar lete,takleef es baat ki thi ki zaheer ne mujhe sponsor karne ke liye jo letter college se liya wo bahut musibatoo ke baad liya tha , subah 6 baje se sham 7 baje tak wo office ke gate par khade rahate , phir bhi kah diya jata ki sir busy hai abhi aaye nahin kabhi meeting mein hai or unhe bhookha piyasa waha se lautna padta, bahut mushkilo ke baad unhe wo letter mila, or jis kaam ke liye etani takleef uthai gai hai kaisa lagta hai piyase ko pani dekar peene se pahale hi cheen liya jaye to???

par mujhe to btana hi tha maine zaheer ko bahut himmat karke  bta diya ki main nahni aa sakti, zaheer bahut roe highway par gadi drive karte wo kahi ja rahe the jab maine unhe yah baat btai unhone gadi beech raste par rok di or shocked ho gye, ek  ghante tak highway beech sadak ke kinare wo rote rahe or phir ghar aa gye,ghar aa kar sab ne taslli di ki jo hona tha wo ho gya ab bhool jao ese kyunki  tum jitni koshish kar sakte the tum ne ki hai, par zaheer ne gusse har chez ko todna phodna shuroo kar diya ki aisa nahin ho sakta use aana hi hai main nahin rah paoonga uske  bina , uske ghar wale us ki shadi kahi or kar denge.par mujhe tootne nahin diya mujhe kahane lge sabar karo sabar ka phal meetha hoga, or mujhe umeed dilai ke tum phir se koshish karo or es bar visit visa par aana, shayad kaam ho jaye or sare documents bhi bhej diye, ham ek dosre se lakho miles door the par kabhi ahasas nahin hua tha ki ham door hai, ham kafi der tak batein karte rahate  phone par net par, pyar se baat karte wade karte, sapne sjate, or ham ek dosre par andha yakeen karte the or andha pyar bhi, bina soche samjhe ki ham ek dosre se kitni door hai or sab kaise ho ga, edher maine phir se koshish ki mujhe zaheer ne unke pyar ne ek umeed dilai thi ek yakeen tha unki batoon mein jis ne mujhe sikhaya ki pyar kamzor nahin insan ko mazbot bnata hai , esi doran kisi wajah se meri mangani bhi toot gai jaha mein engaged thi or es managani ko todne ki koshish 2 sal se kar rahi thi par toot nahin parahi thi kyunki  mere ghar wale razi nahin the wo meri shadi wahi karna chahathe the par main zaheer se,

ek din maine apni sis ko sab kuch bta diya or yah bhi ki mian uske pass jana chahati hoon, usne mujhe bahut sunaya samjhaya ki tum use janti nahin ho wo kaisa hoga kaisa nahin tumne aaj tak use dekha tak nahin hai, phir kaise aisa ho sakta hai , khuda na kare ager usne waha tumhare sath kuch galat kiya to kya karogi par maine kaha  bhale hi  maine apne zaheer ko nahin dekha nahin mili or main unse pyar karti hoon or bahut karti hoon, main unki har baat janti hoon or agar meri kismat mein kuch galat hona likha hai to mujhe khushi hogi yah soch ke maine apne pyar ki laaj rakhi main unke pass milne jaungi,aage wo mere sath kya karte hai yah meri kismat hogi,par mujhe yakeen hai ki wo mere sath bewafai nahin  karenge, or ham dono ne mil ke meri maa ko sb kuch bta diya unhone bahut data mna kiya par maine kah diya ki agar mere raste mein koi ayega main use thokar mar doogi, main sirf zaheer se pyar karti hoon, or unke bina jaan dena manzor hai par kisi or ko apni zindgi mein shamil karna nahin, wo es lie kyunki  mujh par haq sirf ek zat ka tha or wo mera zaheer, yah jazbati faisla nahin tha maine har mod par zaheer ko perkha tha, un mein har wo baat hai jo har ladki ko chahiye hoti hai , sincerete, pyar, feelings, security, care, wo aise mahol mein rahate the jaha ka har ladka sharab ciggerate, ke nashe mein gum hota hai par unhone aaj tak kabhi kisi cheez ko hath nahin lgaya tha wo bahut masom hai, aakhir mein wo din aa gya wo din hamari zindgi ka bahut khubsoort din tha, ham ne aaj tak ek dusre ko kabhi nahin dekha tha par pahali hi nazar mein ham dono ne ek dusre ko pahchan liya , unke sath unke daddy bhi mujhe receive karne aaye the main dehli airport par aai to unhone mujhe welcome kiya, khuda ne achchi shakl di hai esi liye kaam aasan ho gya unhe zaheer ke liye ek khubsoort ladki hi chahiye thi, par wo mujhe parakhna chahate the ki meri nature kaisi hai main kaise baat karti hoon sab ke sath, main jab zaheer ke sath wapis pune unke  ghar aa rahi thi to raste mein zaheer ne mera hath pakda , unki ankhon mein ansoo aa gye, or dheere se bole aakhir ham jeet gye, or phir ham ek  dusre ke gale lag gye,ghar aa kar sab ne mujh se pyar kiya , sabhi ne mujhe izzat di, or yah sab zaheer ki wajah se ,


kyunki  unhone hi meri sab ke beech mein image banai thi or maine use kayam rakha sab ke sath gul mil ke rahi or phir ek din zaheer ne btaya ki hamari engagement fix kar digai hai or mere ghar walo se bhi pak call karke permission leli gai or es tarah 2 saal baad ham mile or hamari engagement 30 dec ko ho gai.us din zaheer ki aankho mein ek khas chamak thi khushi thi. wo or main bahut khush te or hamare ghar wale bhi, ham sath mein rahate , shrarte karte , pyar se baaten karte , sath main khana khate , or agar kabhi zaheer ghar par na hote ya wo khana na khate ya main khana na khati to ham dono aise bhookhe so jatekyunki ham mein se ek ne khana nahin khaya tha,phir kuch der waha rahi or phir apni country wapis aa gai aaj hamari engagement ko 7 months ho gye hai or may mein hamari shadi hai, please pray for us, mera ap ko story btane ka maksad sirf itna hai ki agar pyar sachcha mazboot or rishto mein vishvas ho to kuch bhi namumkin nahin hota , agar pyar or pyar karne wale dono sachche man se ek dusre ko pane ki chahat kare to ek waqt aisa aata hai ek dunia  aapke  aage sir jhukati hai aap nahin. Thanks


Thanks for Reading and now please share your feedbacks about this story!

Submitted By: – Saira

 


(Visited 7,031 times, 1 visits today)
Updated: February 5, 2015 — 10:52 pm

16 Comments

Add a Comment
  1. Ap ki shadi hogayi hogi mai dua karungi ap hamesha khush rahe

  2. nice yar wow apki story mere jaise hi hai par shayad ham dono nahi mil payenge & thanks mujhe ab uspe aur bharosha ho gayi hai

  3. U r great kaple.
    I love u and ur love story

  4. True story

  5. Plz give me a request on my fb. Search me in fb by this name “SAHADAB ALAM, TATA MOTORS”

  6. Dua karta huin k, Allaha k rehmo karmse aap dona ka payar hamesa k liye salamat rahe.

  7. Shaira jitni tarif ke Kabul apka pyar hai shayad ussr jyada so dono hai …
    maasaallah kya khub mohbbat ki aapne …
    such he kaha aapne agar ap sacche dil se kisi ko chaho to puri kayanat.apko usse milane mai lag jati hai …
    apke pyar ki kahani aj ke yuvao ke liye ek example hai jisse unhe sacche pyar ke baare mai pata chalega ……
    our best wishes with u …
    Love Guru
    9759997242

  8. Share or feelings with us
    9759997242

  9. Yar aap dono k pyar bhut powerfull ha. Aap dono n dil se pyar kiya hai is liya to god n b aap dono ek kr diya. This are pyor love god blas you

  10. Aapka story acha he aap dono hardam khusi rhe yehi mera dua he

  11. Yar apke story bahut achi hai mai ak baar aap dono se baat karna chahta hu plz mana mat kijie aapko aapke pyar ki kasam plz mujhe friend request bheje f.b me 8800133596 is no. Par message kare plzz or aapka pyar aise hi salamat rahe khuda apke saath hai

  12. Yar apke story bahut achi hai mai ak baar aap dono se baat karna chahta hu plz mana mat kijie aapko aapke pyar ki kasam plz mujhe friend request bheje f.b me 8800133596 is no. Par message kare plzz or aapka pyar aise hi salamat rahe khuda apke saath hai

  13. Yaar aaapki stori bahut bahut achhi hai.
    Sara kam chhodkar aapki stori padi.bahut achi lagi life main fist time aise stori padi h..
    Aapki hi tarah mare bhi store hai hamne real mai ek dusre ko nhi dakh rakha hai.mai jab bhi usse milne ko bolta hu wo kahti hai mai nhi mil sakti aapse hamare cast alag hai magar mai hindu musalman ko nhi manta
    .

    Mai use apni kaan se b jayada love karta hoo

    .jab b vo bolti h mai nhi mil sakti to bahut rona aata h
    ..jab bhi akala hota ho bahut rota hoo ise yaad karke

    kash wo bhi mare payar ko samjhe .
    Mai ab b usse bahut baat karta hu..
    .mai usse bat kiye bina nhi rah sakta..

  14. aap dono ke pyar ne ye proove kar h ki pyar ko koi sarhaden ya fir majboori rok nhi sakti….wish u a very happy life in advance…..

  15. A/A. Yasir i am bascly frm kashmir.

    Yea story sun k aaj meri kamzori meri taqat ban gyi hai, aaj mujh mai wo himat aayi hai jo mujhe chahiye thi.
    Aur Allah aap dono ko hamesha khush rakhe.
    Khuda hafiz.

Leave a Reply

Your email address will not be published. Required fields are marked *

HINDI LOVE STORY © 2014 Frontier Theme